Iste articlo ye sobre una cinta de western estausunidense de l'anyo 2019; ta atros usos, se veiga Badland.
Matthias Breecher (títol orichinal en anglés, en aragonés Tierra mala u Tierra ronica, estrenada en Aragón con o suyo títol orichinal) ye una cinta de cine estausunidense de cine de western estrenada l'anyo 2019, dirichida por Justin Lee seguntes un guión orichinal d'él mesmo, con una banda sonora orichinal de Jared Forman, una dirección de fotografía d'Idan Menin, una producción cinematografica de Kevin Makely ta la productora cinematpgrafica Papa Octopus Productions y un elenco d'o cual en fan parte Kevin Makely, Mira Sorvino, Bruce Dern, Wes Studi, Trace Adkins, James Russo, Jeff Fahey, Amanda Wyss y Tony Todd, entre d'atros actors.
Matthias Breecher ha combatiu mientres a Guerra Civil d'os Estaus Unius en as filas de l'exercito estausunidense, y agora treballa ta l'Achencia Nacional de Detectives Pinkerton. Recibe la comanda d'o primer senador d'o Senau d'os Estaus Unius d'orichen afroamericano de trobar a criminals de guerra d'os Estaus Confederaus d'America. O primero ye l'antigo cheneral Corbin Dandridge, a qui troba y mata en a suya grancha en Mississippi. Lo segundo ye Reginald Cooke, a qui troba malauto mortalment de pneumonía a lo cudiau de su filla Sarah. No lo mata, so que queda asperando que muera por a suya malautía, fendo-se amigo de Sarah de mientres. Troba que un terratenient vecín de Sarah, Fred Quaid, quiere las suyas tierras y la menaza, asinas que Quaid li proposa un tracto: que se baralle con un d'os suyos hombres y si gana no tornará a caparroniar-la. Breecher ye lo vencedor, pero los suyos hombres atacan a grancha de Sarah y en a luita Quaid muere. Breecher marcha enta Nuevo Mexico en busca de l'ex-capitán Huxley Wainwright, a qui troba convertiu en o "sherif" d'o lugar. Cuan Wainwright descubre que ye achent de Pinkerton, fa que lo maten, pero Breecher consigue liberar-se y matar él a los farutes que l'heban de rematar a él y dar-li tierra, pero li cal recuperar-se y conseguir aduya ta rematar a suya misión.
A cinta s'ambienta en os anyos 1860 en Mississippi y Nuevo Mexico, y las suyas escenas se filmoron en Santa Clarita (California). Localizacions de Badland en Internet Movie Database.
Elenco Badland en Internet Movie Database. Actor Papel Notas ''''
Se veiga tamién Cine en 2019. Cintas de 2019.
Referencias
Vinclos externos Badland en Internet Movie Database. Badland en AllMovie.
Categoría:Cintas ambientadas en Mississippi Categoría:Cintas ambientadas en Nuevo Mexico Categoría:Cintas ambientadas en os anyos 1860 Categoría:Cintas con banda sonora orichinal de Jared Forman Categoría:Cintas con dirección de fotografía d'Idan Menin Categoría:Cintas con guión de Justin Lee Categoría:Cintas con montache de Michael Tang Categoría:Cintas de western Categoría:Cintas d'Estaus Unius Categoría:Cintas dirichidas por Justin Lee Categoría:Cintas en anglés Categoría:Cintas interpretadas por Amanda Wyss Categoría:Cintas interpretadas por Bruce Dern Categoría:Cintas interpretadas por James Russo Categoría:Cintas interpretadas por Jeff Fahey Categoría:Cintas interpretadas por Kevin Makely Categoría:Cintas interpretadas por Mira Sorvino Categoría:Cintas interpretadas por Tony Todd Categoría:Cintas interpretadas por Trace Adkins Categoría:Cintas interpretadas por Wes Studi Categoría:Cintas producidas por Kevin Makely Categoría:Cintas rodadas en Santa Clarita