Iste articlo ye sobre una cinta austriaca de cine historico biografico romantico de l'anyo 1955; ta atros usos, se veiga Sissi.
Sissi (títol orichinal, estrenada en Aragón con iste mesmo títol) ye una cinta de cine austriaco de cine historico biografico romantico estrenada l'anyo 1955 dirichida por Ernst Marischka seguntes un guión orichinal d'él mesmo, con una banda sonora orichinal d'Anton Profes, una dirección de fotografía de Bruno Mondi, una producción cinematografica de Karl Ehrlich y Ernst Marischka ta la productora cinematografica Erma-Film y un elenco formau por Romy Schneider, Karlheinz Böhm, Magda Schneider, Uta Franz, Gustav Knuth, Vilma Degischer, Josef Meinrad, Erich Nikowitz, Karl Fochler, Peter Weck, Hilde Wagener, Egon von Jordan, Otto Treßler, Franz Böheim, Richard Eybner y Fritz Muliar, entre d'atros actors.
A cinta, que ye la primera d'una trilochía sobre la figura d'Isabel de Bavera, emperadriz d'Austria dita familiarment "Sissi", se centra en a primera parte d'a suya vida, en os momentos anteriors a la suya voda con l'emperador Francisco Chusé, prencipiando en o momento en que Sissi, con 16 anyos d'edat, marcha con su mai Ludovica de Bavera y su chirmana Helena de Bavera, dita familiarment "Nené", enta Bad Ischl, en l'Alta Austria, ta fer publico lo compromiso matrimonial entre Francisco Chusé y Nené, alcordau entre todas dos familias. Dica l'inte, Sissi heba creixiu como filla menor d'o duque de Bavera Maximiliano Chusé de Bavera, perteneixent a una branca menor d'a Casa de Wittelsbach, reis de Bavera, en a residencia familiar en o castiello de Possenhofen, a lo canto d'o laco Starnberg y luent de pretensions de matrimonio con reyaleza, tenendo una vida bien quieta y adedicada a gaudir d'a naturaleza de l'arredol d'a residencia familiar. En plegar en Bad Ischl, estando ista la suya primera fiesta oficial d'importancia, su mai decide no fer-la partecipar en a fiesta y deixar-la en as suyas cambras, pero Sissi marcha a pescar y conoix casualment a Francisco Chusé, qui s'enamora immediatament d'ella, sin saber qui ye. D'atra man, Sissi no sabe que Francisco Chusé anunciará bien luego lo suyo compromiso matrimonial con Nené, y tamién s'enamora d'él. Cuan casualment Sissi escuita a Francisco Chusé decir que li fa goleta l'hombre que se case con ella, y que él se casará con Nené, de qui no ye enamorau, Sissi marcha sin dar garra explicación, preocupada por fer mal a su chirmana. Como casualment plega en a fiesta de cabodanyo de l'emperador o prencipe de Lippe, deciden que Sissi sía la suya acompanyant y ye alavez, en a fiesta, que Francisco Chusé para cuenta de qui ye en realidat Sissi, y decide demanar-li que se case con él, encara que la mesacha deleixa en consideración a Nené. Tanimientres, Francisco Chusé desafía a su mai y a la mesma Sissi y anuncia publicament o suyo compromiso con Sissi. Nené marcha desolada d'a fiesta y Sissi se veye obligada a acceptar o compromiso, distanciando-se Nené d'ella dica que poco tiempo dimpués Nené anuncia lo suyo compromiso con Maximiliano de Thurn y Taxis y se reconcilia con Sissi antes d'a suya voda con Francisco Chusé, escaicida lo 24 d'abril de 1854 en a Ilesia de Sant Agostín de Viena, momento en que remata la primer cinta d'a trilochía.
A cinta s'ambienta en 1853 y 1854 en Pöcking (Bavera) en Alemanya y en Bad Ischl (Alta Austria) y Viena en Austria, y las suyas escenas se filmoron en a ilesia de Sant Miguel y lo palacio de Schönbrunn de Viena y en o castiello de Fuschl en Fuschl am See, en Innsbruck (Salzburgo), en Bad Ischl (Alta Austria) y en Dürnstein en Krems an der Donau (Baixa Austria) en Austria, amás d'en l'Atelier Sievering en Viena. Localizacions de Sissi en Internet Movie Database.
Ye una cinta que ha recibiu bella nominación a bel premio, encara que sin que iste perteneixca a los premios cinematograficos mas conoixius u destacaus.
Elenco Sissi en Internet Movie Database. Actor Papel Notas ''''
Se veiga tamién Cine en 1955. Cintas de 1955.
Referencias
Vinclos externos
Sissi en Internet Movie Database. Sissi en TCM Movie Database.
Categoría:Cintas ambientadas en Bad Ischl Categoría:Cintas ambientadas en Pöcking Categoría:Cintas ambientadas en Viena Categoría:Cintas ambientadas en 1853 Categoría:Cintas ambientadas en 1854 Categoría:Cintas con banda sonora orichinal d'Anton Profes Categoría:Cintas con dirección de fotografía de Bruno Mondi Categoría:Cintas con guión d'Ernst Marischka Categoría:Cintas con montache d'Alfred Srp Categoría:Cintas de cine biografico Categoría:Cintas de cine historico Categoría:Cintas de cine de romance Categoría:Cintas d'Austria Categoría:Cintas dirichidas por Ernst Marischka Categoría:Cintas en alemán Categoría:Cintas interpretadas por Egon von Jordan Categoría:Cintas interpretadas por Erich Nikowitz Categoría:Cintas interpretadas por Franz Böheim Categoría:Cintas interpretadas por Fritz Muliar Categoría:Cintas interpretadas por Gustav Knuth Categoría:Cintas interpretadas por Hilde Wagener Categoría:Cintas interpretadas por Josef Meinrad Categoría:Cintas interpretadas por Karl Fochler Categoría:Cintas interpretadas por Karlheinz Böhm Categoría:Cintas interpretadas por Magda Schneider Categoría:Cintas interpretadas por Otto Treßler Categoría:Cintas interpretadas por Peter Weck Categoría:Cintas interpretadas por Richard Eybner Categoría:Cintas interpretadas por Romy Schneider Categoría:Cintas interpretadas por Uta Franz Categoría:Cintas interpretadas por Vilma Degischer Categoría:Cintas producidas por Ernst Marischka Categoría:Cintas producidas por Karl Ehrlich Categoría:Cintas rodadas en Bad Ischl Categoría:Cintas rodadas en Dürnstein Categoría:Cintas rodadas en Fuschl am See Categoría:Cintas rodadas en Innsbruck Categoría:Cintas rodadas en Viena