Iste articlo ye sobre una cinta estausunidense de cine de drama de l'anyo 1984; ta atros usos, se veiga A Breed Apart.
A Breed Apart (títol orichinal en anglés, en aragonés Una raza aparte, estrenada en Aragón con o títol en castellano d'En busca del águila, en aragonés En busca de l'alica) ye una cinta de cine estausunidense de cine de drama estrenada l'anyo 1984, dirichida por Philippe Mora seguntes un guión orichinal de Paul Wheeler, con una banda sonora orichinal de Maurice Gibb, una dirección de fotografía de Geoffrey Stephenson, una producción cinematografica de Dan Allingham, John Daly y Derek Gibson ta las productoras Hemdale, Sagittarius Productions y Cinema '84, y un elenco que se composa de Rutger Hauer, Powers Boothe, Kathleen Turner, Donald Pleasence, Andy Fenwick y Brion James, entre d'atros actors.
JP Whittier ye un cabalero coleccionista de uevos d'aus obsesionau por conseguir ta la suya colección dos uevos d'una rara especie d'alicas que nomás nidifica que en una isla privada propiedat de Jim Malden, un veterano d'a guerra de Vietnam. Contacta con Mike Walker, un conoixiu alpinista que amenista diners ta financiar a suya expedición enta una montanya y li ufre 200.000 dólars ta que simule estar un fotografo de naturaleza consiga dentrar en a isla, escalar a paretada a on nidifican las alicas, apoderar-se d'os uevos y entregar-los. Walker plega en o puerto frent d'a isla, a on troba a Stella Clayton, a propietaria d'a botiga local, qui li diz que Malden no deixa que denguno no dentre en a isla, plegando mesmo a disparar contra éls. Chustament iste acaba de disparar contra dos cazadors que i heban desembarcau, y lo fillo de Stella está bien intresau por Clayton, a qui considera un heroi. Cuan Malden plega en a botiga, l'ataca un grupo de cazadors, y nomás se salva que gracias a l'aduya de Walker, qui dimpués se presenta en a isla y consigue remanir-ie gracias a ixa aduya. Walker descubre que Malden ye enamorau de Stella y l'empenta ta que li diga, a la vegada que poquet a poquet prencipia a estar o suyo amigo y a compartir as suyas ideyas sobre la protección d'a naturaleza.
A cinta s'ambienta en a suya epoca actual (1984) en bel puesto indeterminau d'Estaus Unius, y las suyas escenas se filmoron en Asheville, Chimney Rock y Lake Lure (Carolina d'o Norte). Localizacions d'A Breed Apart en Internet Movie Database.
Elenco A Breed Apart en Internet Movie Database. Actor Papel Notas ''''
Se veiga tamién Cine en 1984. Cintas de 1984.
Referencias
Vinclos externos A Breed Apart en Internet Movie Database. A Breed Apart en Rotten Tomatoes.
Categoría:Cintas ambientadas en Estaus Unius Categoría:Cintas ambientadas en 1984 Categoría:Cintas con banda sonora orichinal de Maurice Gibb Categoría:Cintas con dirección de fotografía de Geoffrey Stephenson Categoría:Cintas con guión de Paul Wheeler Categoría:Cintas con montache de Chris Lebenzon Categoría:Cintas de cine de drama Categoría:Cintas d'Estaus Unius Categoría:Cintas dirichidas por Philippe Mora Categoría:Cintas en anglés Categoría:Cintas en Panavision Categoría:Cintas interpretadas por Andy Fenwick Categoría:Cintas interpretadas por Brion James Categoría:Cintas interpretadas por Donald Pleasence Categoría:Cintas interpretadas por Kathleen Turner Categoría:Cintas interpretadas por Powers Boothe Categoría:Cintas interpretadas por Rutger Hauer Categoría:Cintas producidas por Dan Allingham Categoría:Cintas producidas por Derek Gibson Categoría:Cintas producidas por John Daly Categoría:Cintas rodadas en Asheville Categoría:Cintas rodadas en Chimney Rock (Carolina d'o Norte) Categoría:Cintas rodadas en Lake Lure