Iste articlo ye sobre una cinta estausunidense d'aventuras dramaticas de l'anyo 1999; ta atros usos, se veiga Running Free.
Running Free (títol orichinal en anglés, en aragonés Correndo libre, estrenada en Aragón con o suyo títol traduciu enta lo castellano como Corriendo libre) ye una cinta de cine d'aventuras dramaticas coproducida por o cine estausunidense, lo cine francés y lo cine sudafricano estrenada l'anyo 1999, dirichida por Sergei Bodrov seguntes un guión adaptau por Jeanne Rosenberg (basau en una historia de Jeanne Rosenberg y Jean-Jacques Annaud), con una banda sonora orichinal de Nicola Piovani, una dirección de fotografía de Dan Laustsen y una producción cinematografica de Jean-Jacques Annaud ta las productoras Columbia Pictures y Moonlighting Films. Conta con un elenco d'actors d'o cual en fan parte, entre d'atros, Chase Moore, Arie Verveen, Maria Geelbooi, Jan Decleir, Graham Clarke, Patrick Lyster, Morne Visser, Dan J. Robbertse y Nicholas Trueb.
En 1914, cuan ya s'amana la Primera Guerra Mundial, mientres un viache en barco enta Swakopmund que leva caballos ta treballar en as menas d'arambre, naixe un potro. Malas que plegan enta l'explotación menera, deseparan a lo potro de su mai y casi que muere deshidratau, dica que Richard, un mocet de 12 anyadas, lo rescata y li salva la vida. Clama a lo potro "Lucky" y lo deixa dormir en l'estrabilla destinada ta los animals de pura sangre, cosa que fa enfuriar a "César", un granyón con muitos premios propiedat d'un propietario cabalero local. Lucky i troba a su mai, pero César, encenau, la mata, y Lucky marcha d'o lugar. Sindembargo, atacau por una sirpient, torna enta l'estrabilla, a on Richard lo cura con medecinas destinadas a César, pero ye descubierto por Hans, un nino de 8 anyos, y recibe un gran castigo. Ixo fa que Richard y Lucky marchen enta lo disierto dica un oasi amagau. En o disierto conoixen a Nyka, una mesacha africana de 12 anyadas, que lis ensenya cómo sobrevivir en o disierto, y cuan tornan enta la localidat menera troban un ataque aerio d'os sudafricans. As autoridaz obligan a marchar a toz os civils, y encara que Richard se niege, lo levan obligau, quedando Lucky solo. L'animal marcha en busca de Nyka y vive con ella en a tribu, peo bel día marcha, decidiu a trobar l'oasi amagau y a rescatar a los caballos d'o poblau menero salvando-los tamién de César.
A cinta s'ambienta en 1914 mientres a Primera Guerra Mundial en Swakopmund y atros puestos de l'actual Namibia, y las suyas escenas se filmoron en o disierto de Namibia y en Alemanya. Localizacions de Running Free en Internet Movie Database.
Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus d'o panorama cinematografico internacional.
Elenco Running Free en Internet Movie Database. Actor Papel Notas ''''
Se veiga tamién Cine en 1999. Cintas de 1999.
Referencias
Vinclos externos Running Free en Internet Movie Database. Running Free en Box Office Mojo.
Categoría:Cintas ambientadas en Namibia Categoría:Cintas ambientadas en Swakopmund Categoría:Cintas ambientadas en 1914 Categoría:Cintas con banda sonora orichinal de Nicola Piovani Categoría:Cintas con dirección de fotografía de Dan Laustsen Categoría:Cintas con guión de Jeanne Rosenberg Categoría:Cintas con montache de Ray Lovejoy Categoría:Cintas de cine d'aventuras Categoría:Cintas de cine de drama Categoría:Cintas d'Estaus Unius Categoría:Cintas de Francia Categoría:Cintas de Sudafrica Categoría:Cintas dirichidas por Sergei Bodrov Categoría:Cintas en anglés Categoría:Cintas interpretadas por Arie Verveen Categoría:Cintas interpretadas por Chase Moore Categoría:Cintas interpretadas por Dan J. Robbertse Categoría:Cintas interpretadas por Graham Clarke Categoría:Cintas interpretadas por Jan Decleir Categoría:Cintas interpretadas por Maria Geelbooi Categoría:Cintas interpretadas por Morne Visser Categoría:Cintas interpretadas por Nicholas Trueb Categoría:Cintas interpretadas por Patrick Lyster Categoría:Cintas producidas por Jean-Jacques Annaud Categoría:Cintas rodadas en Alemanya Categoría:Cintas rodadas en Namibia Categoría:Cintas de cine sobre a Primera Guerra Mundial