A ilesia d'a Inmaculada Concepción d'Alfoceya ye una ilesia que se troba en o barrio rural d'Alfoceya, Zaragoza (Comarca Central, Aragón). Perteneixe a l'arcipestrau de Casetas. Listado de parroquias. Archidiócesis de Zaragoza.
Historia L'actual templo fue devantau en l'anyo 1683, adosau a o d'un primitivo templo romanico que s'eslpaldó en 1974 y d'o que encara i quedan bellas enruenas.
Descripción Consta d'una sola nau, capiellas situadas entre contrafuertes y no comunicadas entre sí, un crucero alineau y cabecera recta. O suyo coro se troba en alto situau a los piez de l'edifico. A nau ye cubierta con vuelta de canyón con lunetos, as capiellas con vueltas d'ariesta. I hai una cupula sobre pichinas cubrindo o crucero.
En o suyo exterior cal destacar a portalada que fue construyida en cheso blanco y que ye centrada en a frontera prencipal. Se divide en tres cuerpos, estando o central a nau d'o templo, que ye encuadrada por dos pilastras d'orden toscano sobre as que i hai un frontón triangular. A portalada, tamién ye enmarcada por dos pilars y sobre a cornisa i hai un escudo ficau posteriorment, trobando-se dencima d'iste una capilleta con a imachen d'a virchen titular d'a ilesia.
A torre se situa en un d'os laterals d'a frontera y ye formada por dos cuerpos, estando l'inferior molturau con pilastras en os anglos a on son as campanas y o superior, de forma poligonal, decorau con pilastras y chicoz oculos.
Referencias
Vinclos externos En campaners.com Concello de Zaragoza En Romanicoaragones.com Ficha en www.gcatholic.org
Inmaculada Concepcion d'Alfoceya Inmaculada Concepcion d'Alfoceya Inmaculada Concepcion d'Alfoceya Inmaculada Concepcion d'Alfoceya Alfoceya Inmaculada Concepcion d'Alfoceya