Iste articlo ye sobre una cinta d'aventuras dramaticas estausunidense de 1980; ta atros usos, se veiga The Blue Lagoon.

The Blue Lagoon (títol orichinal en anglés, en aragonés O laco azul, estrenada en Aragón con o suyo títol traduciu enta lo castellano como El lago azul) ye una cinta de cine d'aventuras dramaticas de cine estausunidense estrenada l'anyo 1980, dirichida por Randal Kleiser seguntes un guión adaptau por Douglas Day Stewart (basau en a novela The Blue Lagoon, que heba publicau Henry De Vere Stacpoole en l'anyo 1908), con una banda sonora orichinal de Basil Poledouris, una dirección de fotografía de Néstor Almendros y una producción cinematografica a lo cudiau de Randal Kleiser ta la productora cinematografica Columbia Pictures. Conta con un elenco d'o cual en fan parte, entre d'atros, Brooke Shields, Christopher Atkins, Leo McKern y William Daniels.

En a Era Victoriana, dos primos, Richard de 9 anyos y Emmeline Lestrange, de 7, viachan en un barco que padeixe un naufrachio. Puyan en una barca a on nomás i ye que Paddy Button, un cocinero. A barca plega enta una isla en o sud de l'oceano Pacifico. Paddy cudia d'éls, y cuan descubre en un puesto d'a isla un altar con restas de sacrificios humans, decide prohibir por una "lei" a los ninos que visiten ixa part d'a isla. Tanimientres, tiempo dimpués troban una cuba de licor y Paddy se fartucia bien y en consecuencia muere. Os ninos quedan solos y deciden construyir a suya casa en un atro puesto, y poquet a poquet pasan os anyos, dica que toz dos plegan enta l'adolescencia. Poquet a poquet descubren a propia sexualidat, a la vegada que Emmeline troba l'altar d'os sacrificios. Cuan Richard preba de tener relacions sexuals con ella, Emmeline lo refusa y ixo, con belatra discusión cuan Emmeline no fa la chera prevista ta avisar a un barco que trescruza amán d'a isla, provoca disensions, dica que finalment Richard fa fuera d'a casa a Emmeline. Cuan a mesacha pisa un peix verenoso caye malauta, y demana a Richard que la leve enta l'altar que ha trobau, cosa que iste fa a mala raca porque vulnera la "lei" de Paddy. Dimpués que laa mesacha se recupere, son nadando en un chicot laco en a isla y i descubren l'atracción de l'uno por l'atro, convertendo-se en amants. Finalment, naixe un nino, a qui claman Paddy. Tiempo dimpués, un barco a on i viacha Arthor, o pai de Richard, plega enta la isla y i veye a la familia chugando en a placha, pero en veyer-los cubiertos de loro, creye que no pueden estar éls y marchan. Posteriorment, a parella, con o nino, marcha en una barca enta la mar.

A cinta s'ambienta en Oceanía y en l'oceano Pacifico en 1889, 1895 y 1897, y las suyas escenas se filmoron en Chamaica, Fichi, Malta y Vanuatu. Localizacions de The Blue Lagoon en Internet Movie Database.

Se tracta d'una cinta que ha recibiu bels premios y nominacions, en destacando una nominación a lo Premio Globo d'Oro a la Millor Estrela Emerchent Masculina en 1981 mientres a 38ena edición d'os Premios Globos d'Oro; y una nominación a lo Premio Oscar a la Millor Fotografía ixe mesmo anyo mientres a 53ena edición d'os Premios Oscar.

Elenco The Blue Lagoon en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1980. Cintas de 1980.

Referencias

Vinclos externos

The Blue Lagoon en Internet Movie Database. The Blue Lagoon en TCM Movie Database. The Blue Lagoon en l'American Film Institute Catalog de l'American Film Institute''. The Blue Lagoon en Box Office Mojo. The Blue Lagoon en Rotten Tomatoes.

Categoría:Cintas ambientadas en l'oceano Pacifico Categoría:Cintas ambientadas en Oceanía Categoría:Cintas ambientadas en 1889 Categoría:Cintas ambientadas en 1895 Categoría:Cintas ambientadas en 1897 Categoría:Cintas con banda sonora orichinal de Basil Poledouris Categoría:Cintas con dirección de fotografía de Néstor Almendros Categoría:Cintas con guión de Douglas Day Stewart Categoría:Cintas con montache de Robert Gordon Categoría:Cintas de cine d'aventuras Categoría:Cintas de cine de drama Categoría:Cintas d'Estaus Unius Categoría:Cintas dirichidas por Randal Kleiser Categoría:Cintas en anglés Categoría:Cintas en Metrocolor Categoría:Cintas en Panavision Categoría:Cintas interpretadas por Brooke Shields Categoría:Cintas interpretadas por Christopher Atkins Categoría:Cintas interpretadas por Leo McKern Categoría:Cintas interpretadas por William Daniels Categoría:Cintas producidas por Randal Kleiser Categoría:Cintas rodadas en Chamaica Categoría:Cintas rodadas en Fichi Categoría:Cintas rodadas en Malta Categoría:Cintas rodadas en Vanuatu