Per qualche dollaro in più (títol orichinal en italiano, en aragonés Por cualques dólars mas, estrenada en Aragón con o títol en castellano de La muerte tenía un precio, en aragonés A muerte teneba un pre) ye una cinta de cine de western (un "spaghetti western") coproducida por o cine italiano, lo cine alemán y lo cine espanyol, estrenada en 1965 y dirichida por Sergio Leone seguntes un guión adaptau por él mesmo, por Luciano Vincenzoni y Sergio Donati (basau en una historia d'o mesmo Sergio Leone y de Fulvio Morsella), con una banda sonora orichinal d'Ennio Morricone, una dirección de fotografía de Massimo Dallamano, una producción cinematografica d'Alberto Grimaldi ta las productoras Produzioni Europee Associati, Arturo González Producciones Cinematográficas y Constantin Film, y un elenco d'o cual en fan parte Clint Eastwood, Lee Van Cleef, Gian Maria Volonté, Mara Krup, Luigi Pistilli, Klaus Kinski, Joseph Egger, Panos Papadopulos, Benito Stefanelli, Roberto Camardiel, Aldo Sambrell, Luis Rodríguez y Mario Brega, entre d'atros actors. A cinta fa parte d'a clamada "trilochía d'o dólar", chunto con Per un pugno di dollari (1964, con Marianne Koch, Gian Maria Volontè y Wolfgang Lukschy) y Il buono, il brutto, il cattivo (1966, con Clint Eastwood, Lee Van Cleef, Eli Wallach y Aldo Giuffrè).
Un hombre curro d'a man sin garra nombre so que Curro treballa como cazarecompensas, mesmo que un antigo militar, o coronel Douglas Mortimer. Toz dos persiguen a un despiadau ladrón de bancos clamau "Indio", a qui los suyos hombres acaban de liberar d'a garchola. Por separau, toz dos han deduciu que la banda asaltará un banco en El Paso, y cuan se troban en ixa ciudat asperando a los ladrons, finalment deciden colaborar entre éls. L'Indio asasina a qui l'heba denunciau y a toda la suya familia, y lo fa en tenendo en a man un reloch de bolchaca que heba robau a una muller mientres la violaba dimpués d'asasinar a su mariu, estando ixe reloch un elemento que l'atrona de contino. Mortimer proposa a Curro que s'adhiba a la banda, y iste lo fa en liberando a un atro miembro que ye engarcholau, pero Indio encara sospeita d'él. Fan o robo en El Paso, y Mortimer aspera a la banda, ufrindo-se a éls ta ubrir a caixa fuerte que i han robau. Una vegada ubierta, Indio diz que él guardará los diners dica que no bi haiga periglo ta repartir-los entre la banda, alto u baixo un mes, pero cuan Mortimer y Curro preban de robar éls os diners a la banda, Indio los captura y maltracta, encara que ordena a un d'os suyos hombres de confianza que los libere, con l'obchectivo de que mueran éls y miembros d'a suya banda y asinas no tener que repartir diners entre toz. Curro y Mortimer los matan un a un, y plega lo momento en que han de luitar contra Indio, moment en o cual se descubre lo motivo de Mortimer de perseguir-lo, que no ye pas cobrar a recompensa.
A cinta s'ambienta en bel momento indeterminau d'a segunda metat d'o sieglo XIX en El Paso (Texas) y las suyas escenas se filmoron en Almería, Níjar, Polopos, Rodalquilar, Tabernas y Turrillas (provincia d'Almería), Colmenar Viejo y Hoyo de Manzanares (Comunidat de Madrit) y Granada, Guadix y La Calahorra (provincia de Granada) en Espanya, amás d'en os Cinecittà Studios en Roma (Lazio) en Italia. Localizacions de Per qualche dollaro in più en Internet Movie Database.
Ye una cinta que ha recibiu bels premios y nominacions, encara que no a garra premio d'os mas conoixius u destacaus d'o panorama cinematografico internacional.
Elenco Per qualche dollaro in più en Internet Movie Database. Actor Papel Notas ''''
Se veiga tamién Cine en 1965. Cintas de 1965.
Referencias
Vinclos externos
Per qualche dollaro in più en Internet Movie Database. Per qualche dollaro in più en TCM Movie Database. Per qualche dollaro in più en Rotten Tomatoes.
Categoría:Cintas ambientadas en El Paso (Texas) Categoría:Cintas ambientadas en o sieglo XIX Categoría:Cintas con banda sonora orichinal d'Ennio Morricone Categoría:Cintas con dirección de fotografía de Massimo Dallamano Categoría:Cintas con guión de Luciano Vincenzoni Categoría:Cintas con guión de Sergio Donati Categoría:Cintas con guión de Sergio Leone Categoría:Cintas con montache d'Eugenio Alabiso Categoría:Cintas con montache de Giorgio Serrallonga Categoría:Cintas con montache d'Adriana Novelli Categoría:Cintas de western Categoría:Cintas d'Alemanya Occidental Categoría:Cintas d'Espanya Categoría:Cintas d'Italia Categoría:Cintas dirichidas por Sergio Leone Categoría:Cintas en anglés Categoría:Cintas en italiano Categoría:Cintas en Technicolor Categoría:Cintas en Techniscope Categoría:Cintas interpretadas por Aldo Sambrell Categoría:Cintas interpretadas por Benito Stefanelli Categoría:Cintas interpretadas por Clint Eastwood Categoría:Cintas interpretadas por Gian Maria Volonté Categoría:Cintas interpretadas por Joseph Egger Categoría:Cintas interpretadas por Klaus Kinski Categoría:Cintas interpretadas por Lee Van Cleef Categoría:Cintas interpretadas por Luigi Pistilli Categoría:Cintas interpretadas por Luis Rodríguez Categoría:Cintas interpretadas por Mara Krup Categoría:Cintas interpretadas por Mario Brega Categoría:Cintas interpretadas por Panos Papadopulos Categoría:Cintas interpretadas por Roberto Camardiel Categoría:Cintas producidas por Alberto Grimaldi Categoría:Cintas rodadas en Almería Categoría:Cintas rodadas en Colmenar Viejo Categoría:Cintas rodadas en Granada Categoría:Cintas rodadas en Guadix Categoría:Cintas rodadas en Hoyo de Manzanares Categoría:Cintas rodadas en La Calahorra Categoría:Cintas rodadas en Níjar Categoría:Cintas rodadas en Polopos Categoría:Cintas rodadas en Rodalquilar Categoría:Cintas rodadas en Roma Categoría:Cintas rodadas en Tabernas Categoría:Cintas rodadas en Turrillas (Almería)