O tensino ye a forma de l'aragonés charrada en a comarca d'a val de Tena.
Fonetica En a parla viva se conserva bel caso de -ch- en cuenta de -ll- Estacho. Gricha. Grichón.
En a toponimia, bi'n ha muitos mes casos: Espelunciecha, Castiecho, Cochata, Vachato, etcetera
Esto son restas de fonemas "cacuminals" analogos a la che vaqueira que yeran comuns en tot l'Alto Aragón d'antis mas y que encara se troban prou en l'asturiano occidental.
Encara que se diga nombre y fambre se conserva a palabra flumen en a frase en sale un flumen, dicindo que "en salen muitos".
Morfolochía Articlos definitos o, os, a, as, que dezaga vocal son ro, ros, ra, ras, representando un caso de evolución d'a -LL- latina, (una L cheminata), enta -r- como en o vecino gascón. Particla pronomino-adverbial bi, que s'apostrofa: Bi ha > b'ha. Bi heba > b'eba. Pasatos perfectos en -os en cuenta de en -es, que nomás s'ha trobato que un poquet en Aragüés: puyós, cantós, dihiós En Pandicosa se documenta a presencia d'o perfecto fuerte en o verbo tener: tuve, tuvos, tuvo, tubemos, túvois, tuvon. Manimenos en atros verbos irregulars con perfectos fuertes en aragonés meridional o pasatos ye regular u feble, como ye o caso de poder (pudié, pudiés, pudió, pudiemos, pudiois, pudieron. En o pasato perfecto simple d'o verbo veyer se troba una mezcla de formas fuertes y febles: vie, vios, vido, viemos, viois, vidon. Condicional con -b-, -arba, -erba, -irba diferent de raso de cualsiquier luenga hispanica, y que Francho Nagore considera o chenuino en aragonés seguntes este esquema: Cantar + eba > cantarba. Cantar + ebas > cantarbas.
Parlas locals O panticuto, charrato en Pandicosa, puesto an millor se conserva l'aragonés d'a val.
Tensino