Iste articlo ye sobre una comedia romantica estausunidens de 2010; ta atros usos, se veiga The Switch.
The Switch (títol orichinal en anglés, en aragonés L'interruptor, estrenada en Aragón con o títol en castellano d'Un pequeño cambio, en aragonés Un chicot cambio) ye una cinta de cine estausunidense de cine de comedia romantica estrenada l'anyo 2010, dirichida por Will Speck y Josh Gordon seguntes un guión adaptau por Allan Loeb (basau en Baster, relato curto de Jeffrey Eugenides), con una banda sonora orichinal d'Alex Wurman, una dirección de fotografía de Jess Hall, una producción cinematografica d'Albert Berger y Ron Yerxa ta las productoras Miramax Films, Mandate Pictures y Echo Films, y un elenco d'o cual en fan parte, entre d'atros actors, Jennifer Aniston, Jason Bateman, Thomas Robinson, Patrick Wilson, Juliette Lewis, Jeff Goldblum, Caroline Dhavernas y Scott Elrod.
Kassie Larson ye una muller de 30 anyos que encara no tien parella, pero decide que ha plegau l'hora de quedar embarazada. Lo suyo amigo de siempre, Wally Mars, li diz que no, pero Kassie ye decidida a tener un fillo en solitario. Wally li proposa d'estar él o donanr d'esperma, pero Kassie refusa en considerar-lo masiau neurotico, pesimista y egocentrico, amás de que en estar o suyo millor amigo se li faría raro. D'atra man, Wally siempre ha teniu intrés sentimental por Kassie, y mesmo estioron novios mientres bel tiempo, pero fa tiempos que Kassie (como diz Leonard, un amigo de Wally) l'ha pasau a la "zona d'amigos". Finalment, Kassie selecciona como donant a Roland Nilson, un profesor universitario d'a Universidat de Columbia, casau, que lo fa con a conformidat de su muller, y prepara una fiesta mientres a cual o donant entregará lo suyo esperma. En ixa fiesta, Wally bebe masiau y en estau d'inconsciencia cambia l'esperma d'o donant por o suyo propio, encara que a lo día siguient no lo retantia. Kassie queda embarazada y marcha enta lo suyo lugar natal en Minnesota, deixando una mica tristo a Wally. Siet anyos dimpués, Kassie torna enta Nueva York con Sebastian, o suyo fillo de 6 anyos, que amuestra estar neurotico, y torna a contactar con Wally, a qui presenta a Sebastian. Ella prencipia una relación mas ampla con Roland, o teorico donant, que en ixe tiempo s'ha esvurciau de su muller, mas que mas en creyer que ye lo pai biolochico de Sebastian. Pero a la vegada, Wally constata las similituz que tien con Sebastian y de rapiconte remera lo cambio d'esperma de siet anyos entazaga y decide explicar-li ixo a Kassie, chusto lo día que Roland ha d'anunciar a suya petición de man a la muller.
A cinta s'ambienta en a suya epoca actual en a ciudat de Nueva York (Nueva York, y las suyas escenas se filmoron en ixa mesma ciudat. Localizacions de The Switch en Internet Movie Database.
The Switch ha recibiu bels premios y nominacions, anque garra d'éls no perteneixe a los premios mas conoixius u destacaus d'o panorama cinematografico internacional.
Elenco The Switch en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 2010. Cintas de 2010.
Referencias
Vinclos externos The Switch en Internet Movie Database. The Switch en Box Office Mojo. The Switch en TCM Movie Database. The Switch en l'American Film Institute Catalog de l'American Film Institute''. The Switch en Rotten Tomatoes.
Categoría:Cintas ambientadas en Nueva York (ciudat) Categoría:Cintas ambientadas en 2010 Categoría:Cintas con banda sonora orichinal d'Alex Wurman Categoría:Cintas con dirección de fotografía de Jess Hall Categoría:Cintas con guión d'Allan Loeb Categoría:Cintas con montache de John Axelrad Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Josh Gordon Categoría:Cintas dirichidas por Will Speck Categoría:Cintas en anglés Categoría:Cintas en Color by DeLuxe Categoría:Cintas interpretadas por Caroline Dhavernas Categoría:Cintas interpretadas por Jason Bateman Categoría:Cintas interpretadas por Jeff Goldblum Categoría:Cintas interpretadas por Jennifer Aniston Categoría:Cintas interpretadas por Juliette Lewis Categoría:Cintas interpretadas por Patrick Wilson Categoría:Cintas interpretadas por Scott Elrod Categoría:Cintas interpretadas por Thomas Robinson Categoría:Cintas producidas por Albert Berger Categoría:Cintas producidas por Ron Yerxa Categoría:Cintas rodadas en Nueva York (ciudat)