Iste articlo ye sobre una cinta estausunidense de comedia dramatica romantica de l'anyo 2009; ta atros usos, se veiga He's Just Not That into You (desambigación).
He's Just Not That into You (títol orichinal en anglés, en aragonés Él simplament no ye tan intresau en tu, estrenada en Aragón con o títol en castellano de ¿Qué les pasa a los hombres?, en aragonés Qué lis esceyece a los hombres?) ye una cinta de cine de comedia dramatica romantica coproducida por o cine estausunidense y lo cine alemán estrenada l'anyo 2009, dirichida por Ken Kwapis seguntes un guión adaptau por Abby Kohn y Marc Silverstein (basau en He's Just Not That into You, un asayo publicau pot Greg Behrendt y Liz Tuccillo en l'anyo 2004), con una banda sonora orichinal de Cliff Eidelman, una dirección de fotografía de John Bailey y una producción cinematografica de Nancy Juvonen ta las productoras New Line Cinema y Flower Films. Conta con un elenco d'actors d'o cual en fan parte, entre d'atros, Ben Affleck, Jennifer Aniston, Drew Barrymore, Jennifer Connelly, Kevin Connolly, Bradley Cooper, Ginnifer Goodwin, Scarlett Johansson, Justin Long, Kris Kristofferson, Wilson Cruz, Hedy Burress, Sasha Alexander, Leonardo Nam y Busy Philipps.
A cinta conta la vida de bellas mullers diferents relacionadas entre ellas y las suyas propias relacions con os hombres. A primera ye Gigi, una mesacha que malinterpreta terne que terne lo que creye un intrés romantico en sus succesivas citas, la zaguera con Conor Barry. Dimpués fa amistat con Alex, propietario d'un bar, qui li explica ixos malentendius, ta que dimpués Gigi repita lo proceso con él mesmo. Janine Gunders ye companyera de treballo de Gigi, y ye obsesionada con as reformas de casa suya, a la vegada que Ben, su mariu, ye obsesionau por Anna, una aspirant a cantaire a qui aduya en a suya carrera, ta rematar tenendo una relación con ella; cuan li confiesa a Janine, ista preba de salvar o matrimonio, pero Ben no ye tan azuriu, complicando-se mas a situación cuan Janine acusa a Ben de fumar y haber causau o cáncer de polmón de su pai. Ixa mesma Anna ye amiga de Conor, un amigo d'Alex, y Conor malinterpreta as muestras d'amistat d'Anna creyendo que son mas que una pura relación casual entre éls. Mary Harris ye amiga d'Anna y treballa en un periodico gay d'a ciudat y Conor quiere promocionar en él o suyo propio negocio immobiliario y cuan dos clients li dicen que Anna se troba en situación vulnerable, li declara lo suyo amor, pero encara que en primeras Anna accepta una relación seria finalment decide que no, y Conor casualment conoix a Mary, con qui dica l'inte nomás heban charrau que por telefono. Beth Murphy, companyera de treballo de Gigi, vive con su novio Neil, que ye amigo de Ben, y cuan Beth charra de voda, Neil se niega y Beth remata la relación, pero cuan muere su pai, o solo que apareixe con ganas d'aduyar-la ye Neil.
A cinta s'ambienta en a suya epoca actual (2009) en Nueva York (Nueva York) y las suyas escenas se filmoron en Beverly Hills, Burbank, Long Beach y Los Angeles (California), Madras y Portland (Oregón) y Baltimore (Maryland) en Estaus Unius y en Londres en o Reino Uniu. Localizacions de He's Just Not That into You en Internet Movie Database.
He's Just Not That into You ye una cinta que ha recibiu bels premios y nominacions, encara que garra d'éls no se troba entre lo conchunto de premios mas conoixius u destacaus d'o panorama cinematografco internacional.
Elenco He's Just Not That into You en Internet Movie Database. Actor Papel Notas ''''
Se veiga tamién Cine en 2009. Cintas de 2009.
Referencias
Vinclos externos He's Just Not That into You en Internet Movie Database. He's Just Not That into You en Box Office Mojo. He's Just Not That into You en Metacritic. He's Just Not That into You en Rotten Tomatoes.
Categoría:Cintas ambientadas en Nueva York (ciudat) Categoría:Cintas ambientadas en 2009 Categoría:Cintas con banda sonora orichinal de Cliff Eidelman Categoría:Cintas con dirección de fotografía de John Bailey Categoría:Cintas con guión d'Abby Kohn Categoría:Cintas con guión de Marc Silverstein Categoría:Cintas con montache de Cara Silverman Categoría:Cintas de cine de comedia Categoría:Cintas de cine de drama Categoría:Cintas de cine de romance Categoría:Cintas d'Alemanya Categoría:Cintas d'Estaus Unius Categoría:Cintas dirichidas por Ken Kwapis Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Ben Affleck Categoría:Cintas interpretadas por Bradley Cooper Categoría:Cintas interpretadas por Busy Philipps Categoría:Cintas interpretadas por Drew Barrymore Categoría:Cintas interpretadas por Ginnifer Goodwin Categoría:Cintas interpretadas por Hedy Burress Categoría:Cintas interpretadas por Jennifer Aniston Categoría:Cintas interpretadas por Jennifer Connelly Categoría:Cintas interpretadas por Justin Long Categoría:Cintas interpretadas por Kevin Connolly Categoría:Cintas interpretadas por Kris Kristofferson Categoría:Cintas interpretadas por Leonardo Nam Categoría:Cintas interpretadas por Sasha Alexander Categoría:Cintas interpretadas por Scarlett Johansson Categoría:Cintas interpretadas por Wilson Cruz Categoría:Cintas producidas por Nancy Juvonen Categoría:Cintas rodadas en Baltimore Categoría:Cintas rodadas en Beverly Hills Categoría:Cintas rodadas en Burbank Categoría:Cintas rodadas en Londres Categoría:Cintas rodadas en Long Beach (California) Categoría:Cintas rodadas en Los Angeles Categoría:Cintas rodadas en Madras Categoría:Cintas rodadas en Portland