Drive Angry (títol orichinal en anglés, en aragonés Conducir alticamau, estrenada en Aragón con o títol de Furia ciega) ye una cinta de cine estausunidense de cine d'acción de terror estrenada l'anyo 2011, dirichida por Patrick Lussier seguntes un guión orichinal d'él mesmo y de Todd Farmer, con una banda sonora orichinal de Michael Wandmacher, una dirección de fotografía de Brian Pearson y una producción cinematografica de Michael De Luca, René Besson y Adam Fields ta las productoras Nu Image, Saturn Films y Michael De Luca Production. Conta con un elenco d'actors formau por Nicolas Cage, Amber Heard, William Fichtner, David Morse, Katy Mixon, Charlotte Ross, Christa Campbell, Pruitt Taylor Vince, Todd Farmer, Tom Atkins, Jack McGee y Billy Burke, entre d'atros.
John Milton se troba condenau en l'infierno, pero consigue fuyir-ne, robando amás a Satanás la suya arma, clamada "Godkiller" u "Asasina de dioses". O suyo obchectivo ye matar a Jonah King, un lider d'un culto mesianico satanico que ha asasinau a la muller y a la filla de Milton y que agora quiere sacrificar ritualment a su nieta ta fer apareixer l'infierno en a Tierra. Milton prencipia por interrogar y dimpués matar a colaboradors de King en Colorado, ta dimpués marchar enta Loisiana, a on en una garchola albandonada li han dito que se fará lo sacrificio. En o suyo camín troba a Piper Lee, una cambrera d'un restaurant que deixa lo suyo treballo, y li saboteya lo suyo auto ta dimpués ufrir-se a reparar-lo si el leva con ella enta Loisiana. Cuan la mesacha troba a su novio con atra muller, se barallan y iste la golpia, defendendo-la Milton. Piper accepta marchar enta Loisisna, y malas que han marchau apareixe lo Contero, un achent de Satanás a qui han ninviau ta fer tornar a Milton a l'infierno. Interroga a Frank, o novio, y el mata, marchando dezaga d'os fuchitivos. Istos reciben l'ataque d'hombres de King, pero Milton els mata. King fuye enta Loisiana, perseguiu por Milton y Piper y perseguius istos a la vegada por o Contero y por achents de policía a qui iste ha enganyau fendo-les creyer que perteneixe a lo FBI. Milton y Piper cayen en una trampa, y hombres de King disparan a Milton en un uello, atravesando-li la cabeza y deixando-lo por muerto, secuestrando a Piper. Pero Milton se recupera y els persigue, liberando a Piper. Troban a Webster, un amigo de Milton, que explica a Piper que Milton ha muerto y que King heba aproveitau a suya ausencia ta manipular y dimpués asasinar a su filla. Milton marcha ta tener a baralla final con King, y Piper diz que no el deixará solo en ixa baralla. A la vegada, lo Contero permite que Milton Luite ta recuperar a su nieta, decindo-le que Satanás desabanta l'asasinato d'inocents en o suyo nombre.
A cinta s'ambienta en a suya epoca actual (2011) en Colorado, Oklahoma y Loisiana, y las suyas escenas se filmoron en Minden, Plain Dealing, Shreveport y atros puestos de Loisiana. Localizacions de Drive Angry en Internet Movie Database.
Drive Angry ye una cinta que ha recibiu bels premios y nominacions, encara que garra d'éls no fa parte d'a lista de premios mas conoixius u destacaus d'o panorama cinematografico internacional.
Elenco Drive Angry en Internet Movie Database. Actor Papel Notas ''''
Se veiga tamién Cine en 2011. Cintas de 2011.
Referencias
Vinclos externos
Drive Angry en Internet Movie Database.
Categoría:Cintas ambientadas en Colorado Categoría:Cintas ambientadas en Loisiana Categoría:Cintas ambientadas en Oklahoma Categoría:Cintas ambientadas en 2011 Categoría:Cintas con banda sonora orichinal de Michael Wandmacher Categoría:Cintas con dirección de fotografía de Brian Pearson Categoría:Cintas con guión de Patrick Lussier Categoría:Cintas con guión de Todd Farmer Categoría:Cintas con montache de Devin C. Lussier Categoría:Cintas con montache de Patrick Lussier Categoría:Cintas de cine d'acción Categoría:Cintas de cine de terror Categoría:Cintas d'Estaus Unius Categoría:Cintas dirichidas por Patrick Lussier Categoría:Cintas en anglés Categoría:Cintas en Technicolor Categoría:Cintas interpretadas por Amber Heard Categoría:Cintas interpretadas por Billy Burke Categoría:Cintas interpretadas por Charlotte Ross Categoría:Cintas interpretadas por Christa Campbell Categoría:Cintas interpretadas por David Morse Categoría:Cintas interpretadas por Jack McGee Categoría:Cintas interpretadas por Katy Mixon Categoría:Cintas interpretadas por Nicolas Cage Categoría:Cintas interpretadas por Pruitt Taylor Vince Categoría:Cintas interpretadas por Todd Farmer Categoría:Cintas interpretadas por Tom Atkins Categoría:Cintas interpretadas por William Fichtner Categoría:Cintas producidas por Adam Fields Categoría:Cintas producidas por Michael De Luca Categoría:Cintas producidas por René Besson Categoría:Cintas rodadas en Loisiana Categoría:Cintas rodadas en Minden (Loisiana) Categoría:Cintas rodadas en Plain Dealing Categoría:Cintas rodadas en Shreveport