The Forbidden Kingdom (títol orichinal en anglés, en aragonés O reino prohibiu, estrenada en Aragón con o suyo títol traduciu enta lo castellano como El reino prohibido) ye una cinta de cine d'aventuras fastasticas d'artes marcials coproducida por o cine estausunidense, lo cine chinés y lo cine honkongués estrenada l'anyo 2008, dirichida por Rob Minkoff seguntes un guión orichinal de John Fusco, con una banda sonora orichinal de David Buckley, una dirección de fotografía de Peter Pau, una producción cinematografica de Casey Silver ta las productoras Casey Silver Productions y Relativity Media y un elenco d'o cual en fan parte, entre d'atros actors, Jackie Chan, Michael Angarano, Jet Li, Liu Yifei, Li Bingbing, Morgan Benoit, Collin Chou y Wang Deshun.
Jason Tripitikas ye un choven que vive en un barrio de Boston (Massachusetts) y ye un gran aficionau a las artes marcials chinesas. Suenia con una batalla entre lo Rei Mono Sun Wukong y soldaus celestials en as nubes y, en despertar, marcha a mercar devedés de cine wuxia (aventuras fantasticas d'artes marcials chinesas) en una casa d'empenyaduras en o barrio chinés d'a ciudat. En a botiga i veye un bastón dorau, pareixiu a lo bastón que heba visto en o suyo suenio. En tornar enta casa, ye asaltau por una banda dirichida por Lupo, qui quiere fer-lo servir ta robar en a botiga a on i ha estau. En l'atraco lo propietario d'a botiga queda feriu y li entrega a Jason o bastón, decindo-le que lo torne a lo suyo lechitimo propietario. Perseguiu por a banda, se veye encorralau en un terrau y lo salva lo bastón, quedando dormiu. En despertar, se troba en un lugarón en China atacau por soldaus que deseyan apoderar-se d'o bastón, y qui lo salva ye Lu Yan, un hombre aparentment immortal y siempre pipau. Ista li conta la historia d'o bastón y que el deseya Erlang Shen, un sinyor d'a guerra, y li conta tamién que lo mundo aspera que i plegue "O Buscador", qui trobará lo bastón y liberará a lo Rei Mono, Atacaus nuevament por os soldaus d'o sinyor d'a guerra, els aduya "Gurrión Dorau", una choven a familia d'a cual ha estau victima d'Erlang Shen. O sinyor d'a guerra ninvía contra toz tres a la bruixa Ni Chang, pero troban a colaboración d'o Monche Silencioso, que s'adedica chunto con Lu Yan a instruyir a Jason, qui ye obviament "O Buscador" d'a profecía.
A cita s'ambienta en a suya epoca actual (2008) en Boston (Massachusetts) y en China; y las suyas escenas se filmoron en Hengdian (Zhejiang) y localizacions en Jiangsu, Sichuan y atros puestos de China, incluyindo-ie lo disierto de Gobi, amás d'en os Hengdian World Studios en Hengdian. Localizacions de The Forbidden Kingdom en Internet Movie Database.
Se trata d'una cinta que ha recibiu bels premios y nominacions, encara que garra d'istos premios o perteneixe a la relación de premios mas conoixius u destacaus d'o panorama cinematografico internacional.
Elenco The Forbidden Kingdom en Internet Movie Database. Actor Papel Notas ''''
Se veiga tamién Cine en 2008. Cintas de 2008.
Referencias
Vinclos externos The Forbidden Kingdom en Internet Movie Database.
Categoría:Cintas ambientadas en Boston Categoría:Cintas ambientadas en China Categoría:Cintas ambientadas en 2008 Categoría:Cintas con banda sonora orichinal de David Buckley Categoría:Cintas con dirección de fotografía de Peter Pau Categoría:Cintas con guión de John Fusco Categoría:Cintas con montache d'Eric Strand Categoría:Cintas de cine d'artes marcials Categoría:Cintas de cine d'aventuras Categoría:Cintas de cine de fantasía Categoría:Cintas de China Categoría:Cintas d'Estaus Unius Categoría:Cintas de Hong Kong Categoría:Cintas dirichidas por Rob Minkoff Categoría:Cintas en anglés Categoría:Cintas en cantonés Categoría:Cintas en chinés mandarín Categoría:Cintas en Panavision Categoría:Cintas interpretadas por Collin Chou Categoría:Cintas interpretadas por Jackie Chan Categoría:Cintas interpretadas por Jet Li Categoría:Cintas interpretadas por Li Bingbing Categoría:Cintas interpretadas por Liu Yifei Categoría:Cintas interpretadas por Michael Angarano Categoría:Cintas interpretadas por Morgan Benoit Categoría:Cintas interpretadas por Wang Deshun Categoría:Cintas producidas por Casey Silver Categoría:Cintas rodadas en China Categoría:Cintas rodadas en Hengdian Categoría:Cintas rodadas en Jiangsu Categoría:Cintas rodadas en Sichuan