Iste articlo ye sobre una cinta estausunidense de cine d'intriga estrenada l'anyo 2025; ta atros usos, se veiga Locked.
Locked (títol orichinal en anglés, en aragonés Bloquiau, estrenada en Aragón con o títol en castellano de Blindado, en aragonés Blindau) ye una cinta de cine d'intriga coproducida por o cine estausunidense y lo cine canadiense estrenada l'anyo 2025, dirichida por David Yarovesky seguntes un guión adaptau por Michael Arlen Ross (basau en o guión cinematografico d'a cinta 4x4 de Mariano Cohn y Gastón Duprat, estrenada l'anyo 2019), con una banda sonora orichinal de Timothy Williams, una dirección de fotografía de Michael Dallatorre, una producción cinematografica d'Ara Keshishian, Petr Jákl, Sam Raimi, Zainab Azizi y Sean O'Reilly ta las productoras ZQ Entertainment, R.U. Robot Studios, Arcana Studio, Raimi Productions y Sillen Productions y un elenco d'o cual en fan parte, entre d'atros actors, Bill Skarsgård, Anthony Hopkins, Michael Eklund, Ashley Cartwright y Navid Charkhi.
Eddie Barrish ye un chicot delincuent que se troba sin treballo y preba de sobrevivir como puet mantenendo la relación con su filla, Sarah, encara que no siempre cumple adecuadament como pai. Desesperau y sin diners, revisa autos ta veyer si son ubiertos y en o suyo interior troba bella cosa d'intrés. Troba una cambioneta de luxo ubierta, y dentra ta prebar-ie fortuna, pero de rapiconte l'auto se bloquia, deixando-lo atrapau en l'interior. Cuan preba de salir de l'auto, li ye imposible y, amás, queda feriu en un brazo. En a pantalla de l'auto apareixe una trucada y encara que en primeras Eddie no li para cuenta, a la fin l'accepta. Qui truca ye William, o propietario de l'auto. Iste li explica que ya li heban robau l'auto seis vegadas y que, cansau d'ixo, ha transformau l'auto en una trampa ta pillar ladrons d'autos. Poquet a poquet li aplica descargas electricas, punchadas, calor excesivo y mesmo el martiricia con musica folklorica d'o Tirol. A mida que pasa lo tiempo, Eddie descubre que William ye un medico bien cabalero y que ye obsesionau por a muerte de su filla Emma en un robo. A la fin apareixe William en l'auto, decindo-le que ye malauto de cáncer y que el castigará por os suyos delictos matando-lo a la vegada que él mesmo fa suicidio.
A cinta s'ambienta en 2025 en Portland (Oregón); y las suyas escenas se filmoron en Vancouver (Columbia Britanica) en Canadá, amás d'en o Winston Studio en Burnaby, tamién en Columbia Britanica. Localizacions de Locked en Internet Movie Database.
Elenco Locked en Internet Movie Database. Actor Papel Notas ''''
Se veiga tamién Cine en 2025. Cintas de 2025.
Referencias
Vinclos externos Locked en Internet Movie Database.
Categoría:Cintas ambientadas en Portland (Oregón) Categoría:Cintas ambientadas en 2025 Categoría:Cintas con banda sonora orichinal de Timothy Williams Categoría:Cintas con dirección de fotografía de Michael Dallatorre Categoría:Cintas con guión de Michael Arlen Ross Categoría:Cintas con montache d'Andrew Buckland Categoría:Cintas con montache de Peter Gvozdas Categoría:Cintas de cine d'intriga Categoría:Cintas de Canadá Categoría:Cintas d'Estaus Unius Categoría:Cintas dirichidas por David Yarovesky Categoría:Cintas en anglés Categoría:Cintas en Panavision Categoría:Cintas interpretadas por Anthony Hopkins Categoría:Cintas interpretadas por Ashley Cartwright Categoría:Cintas interpretadas por Bill Skarsgård Categoría:Cintas interpretadas por Michael Eklund Categoría:Cintas interpretadas por Navid Charkhi Categoría:Cintas producidas por Ara Keshishian Categoría:Cintas producidas por Petr Jákl Categoría:Cintas producidas por Sam Raimi Categoría:Cintas producidas por Sean O'Reilly Categoría:Cintas producidas por Zainab Azizi Categoría:Cintas rodadas en Burnaby Categoría:Cintas rodadas en Vancouver