Iste articlo ye sobre una cinta d'intriga d'acción estausunidense de l'anyo 2016; ta atros usos, se veiga Inferno.
Inferno (títol orichinal en anglés, en aragonés Infierno, estrenada en Aragón con suyo títol orichinal) ye una cinta de cine d'intriga d'acción coproducida por o cine estausunidense y lo cine hongaro estrenada l'anyo 2016, dirichida por Ron Howard seguntes un guión adaptau por David Koepp (basau en a novela Inferno, publicada por Dan Brown en 2013), con una banda sonora orichinal de Hans Zimmer, una dirección de fotografía de Salvatore Totino y una producción cinematografica de Brian Grazer y Ron Howard ta las productoras Columbia Pictures, Imagine Entertainment, LStar Capital, LSG Productions y Mid Atlantic Films. Conta con un elenco d'actors formau por Tom Hanks, Felicity Jones, Omar Sy, Ben Foster, Sidse Babett Knudsen, Irrfan Khan, Paul Ritter y Ana Ularu, entre d'atros. Ye la tercera cinta d'a serie de cintas sobre lo personache de Robert Langdon d'as novelas de Dan Brown, prencipiada con The Da Vinci Code (2006, Ron Howard) y que continó con Angels & Demons (2009, Ron Howard).
Dimpués d'aduyar a la Ilesia Catolica a matar l'araina con o problema de l'antimateria, Robert Langdon dispierta en un leito d'un hespital en Florencia. Tien amnesia y no ye capable de remerar cosa s'os zaguers días, amás de tener visions infernals, seguntes li conta a la suya medico, la doctora Sienna Brooks. Un infermero lis comunica que bi ha un achent de Policía que deseya charrar con él, pero resulta estar Vayentha, un falso policía que nomás quereba que asasinar-lo. Lo salva la doctora Brooks, que lo leva enta casa suya, a on revisan as pertenencias de Lagdon, trobando-ie un prochector d'imáchens con un dibuixo de Sandro Botticelli inspirau en o canto de l'Infierno d'a Divina Comedia de Dante Alighieri. Paran cuenta de que se tracta d'una pista que ha deixau Bertrand Zobrist, un cientifico partidario de reducir a población humana en a Tierra y que s'heba suicidau en veyer-se perseguiu por o Gubierno, y que lo cientifico heba desenrollau una arma biolochica capable de matar a la metat d'a población d'o planeta. Langdon y Brooks fuyen, perseguius d'una man por Vayentha y d'atra man por achents d'o Gubierno dirichius por Elizabeth Sinskey, una antiga amant de Langdon. Vayentha actúa en nombre de Harry Sims, executivo d'una empresa de seguredat que deseya aplicar os plans de Zobrist. Prencipia un recorriu que leva a Langdon y Brooks en primeras enta Venecia y dimpués enta Istambul, a on Langdon descubre que su companyera yera l'amant de Zobrist y que tamién deseya cumplir os suyos plans, conoixendo tamién que la suya amnesia heba estau inducida precisament por ella, y prencipiando a colaborar con Sinskey ta evitar que se libere l'arma biolochica de Zobrist.
A cinta s'ambienta en a suya epoca actual (2013) en Florencia (Ciudat metropolitana de Florencia) y Venecia (Ciudat metropolitana de Venecia) en Italia y en Istambul (provincia d'Istambul) en Turquía. Las suyas escenas se filmoron en en Istambul (provincia d'Istambul), incluyindo-ie Santa Sofiya d'Istambul, en Turquía; en Budapest (condau de Pest) en Hongría; y en Florencia (Ciudat metropolitana de Florencia) y Venecia (Ciudat metropolitana de Venecia) en Italia; amás d'en os Origo Studios en Budapest y los Korda Studios en Etyek (condau de Fejér) en Hongría. Localizacions d'Inferno en Internet Movie Database.
Ye una cinta que ha recibiu bels premios y nominacions, encara que garra de ditos premios no fa parte d'o conchunto de premios mas conoixius u destacaus d'o panorama cinematografico internacional.
Elenco Inferno en Internet Movie Database. Actor Papel Notas ''''
Se veiga tamién Cine en 2013. Cintas de 2013.
Referencias
Vinclos externos Inferno en Internet Movie Database. Inferno en Box Office Mojo. Inferno en Rotten Tomatoes. Inferno en Metacritic.
Categoría:Cintas ambientadas en Florencia Categoría:Cintas ambientadas en Istambul Categoría:Cintas ambientadas en Venecia Categoría:Cintas ambientadas en 2013 Categoría:Cintas con banda sonora orichinal de Hans Zimmer Categoría:Cintas con dirección de fotografía de Salvatore Totino Categoría:Cintas con guión de David Koepp Categoría:Cintas con montache de Dan Hanley Categoría:Cintas con montache de Tom Elkins Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas d'Hongría Categoría:Cintas dirichidas por Ron Howard Categoría:Cintas en anglés Categoría:Cintas en francés Categoría:Cintas en italiano Categoría:Cintas en turco Categoría:Cintas interpretadas por Ana Ularu Categoría:Cintas interpretadas por Ben Foster Categoría:Cintas interpretadas por Felicity Jones Categoría:Cintas interpretadas por Irrfan Khan Categoría:Cintas interpretadas por Omar Sy Categoría:Cintas interpretadas por Paul Ritter Categoría:Cintas interpretadas por Sidse Babett Knudsen Categoría:Cintas interpretadas por Tom Hanks Categoría:Cintas producidas por Richard Fischoff Categoría:Cintas producidas por Brian Grazer Categoría:Cintas producidas por Ron Howard Categoría:Cintas rodadas en Budapest Categoría:Cintas rodadas en Etyek Categoría:Cintas rodadas en Florencia Categoría:Cintas rodadas en Istambul Categoría:Cintas rodadas en Venecia