Iste articlo ye sobre una cinta estausunidense de comedia dramatica musical; ta atros usos, se veiga My Fair Lady (desambigación).
My Fair Lady (títol orichinal en anglés, en aragonés A mía polida dama, estrenada en Aragón con o suyo títol orichinal) ye una cinta de cine estausunidense de cine de comedia dramatica musical romantica estrenada l'anyo 1964, dirichida por George Cukor seguntes un guión adaptau por Alan Jay Lerner (basau en o suyo propio musical My Fair Lady de 1956, basau a la vegada en a obra teatral Pygmalion, publicada por de George Bernard Shaw en l'anyo 1913), con una banda sonora orichinal d'André Previn, una dirección de fotografía de Harry Stradling y una producción cinematografica de Jack L. Warner ta la productora cinematografica Warner Bros.. Fan parte de l'elenco d'actors d'a cinta, entre d'atros, Audrey Hepburn, Rex Harrison, Stanley Holloway, Wilfrid Hyde-White, Gladys Cooper, Jeremy Brett, Theodore Bikel, Mona Washbourne, Isobel Elsom y John Holland.
En o Londres de finals d'o sieglo XIX, mientres a era victoriana, lo profesor Henry Higgins ye un experto en fonetica capable de determinar con precisión l'orichen cheografico de cualsiquier persona nomás que en sentir-la charrar. Tien a creyencia de que l'accento d'una persona ye lo feito que marca las suyas posibilidaz socials. Bel día, mientres se troba en un mercau en o districto londinense de Covent Garden, escuita charrar a Eliza Doolittle, una choven con un evident accento cockney, y en fa burla. Eliza demana aduya y casualment i ye present o coronel Pickering, que ha veniu dende la India nomás que ta conoixer a Higgins. A lo día siguient, cuan son en casa d'iste zaguero charrando, i plega Eliza, demanando que li den clases en haber pensau que si charra millor tiendrá millors posibilidaz de treballo, y s'ufre a pagar as clases. Higgins y Pickering fan pon sobre la teoría de Higgins y deciden dar clases a la mesacha, prencipiando en ixe mesmo momento. Eliza soporta las desichencias educativas de Higgins y lo suyo tracto duro, dica que a la fin la mesacha prencipia a charrar con l'accento propio d'a clase alta britanica. Como preba, Higgins leva a Eliza a las cursas en l'hipodromo d'Ascot, a on lo choven Freddy Eynsford-Hill (de clase alta) s'enamora completament d'ella. Pero la mesacha por qui siente intrés, encara que iste no lo veiga, ye por Higgins, y una vegada rematau l'experimento ha de tornar enta la suya vida anterior. Nomás que ha marchau, bien luego Higgins prencipia a parar cuenta de cómo ha dentrau Eliza en a suya vida, pero se niega a acceptar-lo y marcha a demanar consello a su mai, a qui troba charrando con Eliza.
My Fair Lady s'ambienta en Londres (Gran Londres) en o Reino Uniu a finals d'o sieglo XIX; y las suyas escenas se filmoron en os Warner Brothers Burbank Studios en Burbank (California) en os Estaus Unius. Localizacions de My Fair Lady en Internet Movie Database.
Se tracta d'una cinta que ha recibiu cuantos premios y nominacions, en destacando ueito Premios Oscar (Millor Cinta, Millor Director, Millor Actor, Millor Dirección Artistica en Color, Millor Fotografía, Millor Disenyo de Vestuario en Color, Millor Banda Sonora Orichinal y Millor Soniu) y atras cuatre nominacions (Millor Actor, Millor Actriz, Millor Guión Adaptau y Millor Montache) en 1965 mientres a 37ena edición d'os Premios Oscar; un Premio BAFTA a la Millor Cinta y una nominación a lo Premio BAFTA a lo Millor Actor Britanico en 1966 mientres a 19ena edición d'os Premios BAFTA; tres Premios David de Donatello (Millor Cinta Forana, Millor Actor Forano y Millor Actriz Forana) en 1965 mientres a 10ena edición d'os Premios David de Donatello; y tres Premios Globos d'Oro (Millor Cinta de Musical u Comedia, Millor Director y Millor Actor de Musical u Comedia) y atras dos nominacions (Millor Actriz de Musical u Comedia y Millor Actor Segundario) en 1965 mientres a 22ena edición d'os Premios Globos d'Oro.
Elenco My Fair Lady en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1964. Cintas de 1964.
Referencias
Vinclos externos
My Fair Lady en Internet Movie Database. My Fair Lady en l'American Film Institute Catalog de l'American Film Institute''. My Fair Lady en Box Office Mojo. My Fair Lady en Rotten Tomatoes.
Categoría:Cintas ambientadas en Londres Categoría:Cintas ambientadas en o sieglo XIX Categoría:Cintas con banda sonora orichinal d'André Previn Categoría:Cintas con dirección de fotografía de Harry Stradling Categoría:Cintas con guión d'Alan Jay Lerner Categoría:Cintas con montache de William H. Ziegler Categoría:Cintas de cine de comedia Categoría:Cintas de cine de drama Categoría:Cintas de cine musical Categoría:Cintas de cine de romance Categoría:Cintas d'Estaus Unius Categoría:Cintas dirichidas por George Cukor Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas en Technicolor Categoría:Cintas interpretadas por Audrey Hepburn Categoría:Cintas interpretadas por Gladys Cooper Categoría:Cintas interpretadas por Isobel Elsom Categoría:Cintas interpretadas por Jeremy Brett Categoría:Cintas interpretadas por John Holland Categoría:Cintas interpretadas por Mona Washbourne Categoría:Cintas interpretadas por Rex Harrison Categoría:Cintas interpretadas por Stanley Holloway Categoría:Cintas interpretadas por Theodore Bikel Categoría:Cintas interpretadas por Wilfrid Hyde-White Categoría:Cintas producidas por Jack L. Warner Categoría:Cintas rodadas en Burbank Categoría:Premio BAFTA a la Millor Cinta Categoría:Premio David de Donatello a la Millor Cinta Forana Categoría:Premio Globo d'Oro a la Millor Cinta de Musical u Comedia Categoría:Premio Oscar a la Millor Cinta