The Field (cinta de 1990)

Iste articlo ye sobre una cinta de cine de drama irlandesa estrenada en 1990; ta atros usos, se veiga The Field.

The Field (títol orichinal en anglés, en aragonés O campo, estrenada en Aragón con o títol en castellano d'El prado, en aragonés O prau) ye una cinta de cine de drama de cine irlandés estrenada l'anyo 1990, dirichida por Jim Sheridan seguntes un guión adaptau por él mesmo (basau en The Field, una obra teatral de John B. Keane de l'anyo 1965), con una banda sonora orichinal d'Elmer Bernstein, una dirección de fotografía de Jack Conroy y una producción cinematografica de Noel Pearson ta las productoras Granada Television, Noel Pearson y Sovereign Pictures. De l'elenco d'actors d'a cinta en fan parte, entre d'atros, Richard Harris, Sean Bean, Tom Berenger, Frances Tomelty, Brenda Fricker, John Hurt, Ruth McCabe, Jer O'Leary, Jenny Conroy, Joan Sheehy, Sean McGinley, Malachy McCourt, Frank McDonald, Brendan Gleeson y Tommy Walsh.

Tadhg, o fillo d'o granchero irlandés Bull McCabe, ha matau un somero propiedat d'uns chitans que heba dentrau en un campo alogau por a suya familia por cheneracions. Os chitans demanan a McCabe que lis pague la suya valura. D'atra man, Tadgh tamién presiona y menaza a la vidua propietaria d'o campo, que a la fin decide vender en subhasta publica lo campo, pero sin ufrir-lo dreitament a McCabe. iste fa saber en o bar d'o lugar que considera como suyo ixe campo, con o que ye verdaderament obsesionau, y menaza a cualsiquiera que puixe contra él en a subhasta. McCabe dubda de que Tadhg sía capable de mantener as suyas propiedaz cual él muera, sobretot dimpués d'o suicidio d'o suyo fillo gran, Seamie, cuan teneba nomás que 13 anyadas. McCabe se culpa d'o suicidio de Seamie, en haber-li dito que las suyas fincas nomás permeteban mantener que a una sola familia y que ixo obligaría a lo filo chicot, Tadhg, a emigrar. D'atra man, o suicidio, d'o cual ya fa 18 anyadas, fació que la muller de McCabe deixase de tener garra contacto con él. Peter, un estausunidense con radices en o lugar, i plega, decidiu a construyir una central hidroelectrica. Amenista piedra ta construyir as carreteras que amenista y veye que lo campo d'a vídua que McCabe considera suyo ye perfecto ta los suyos plans, y decide partecipar, con una puya de 80 libras irlandesas, cuan McCabe no puet ufrir que nomás que 50. A vidua paraliza la subhasta, ta ubir una nueva con un pre minimo de 100 libras. McCabe descubre que lo mosen ha colaborau con Peter y lo menaza tamién, anque iste li fa veyer las accions de Tadhg contra la vidua, que no conoixeba. Con tot i con ixo, marcha ta discutir con Peter ta que no se presente en a nueva subhasta. Provoca una baralla entre Peter y Tadhg y cuan iste zaguero pierde, McCabe mata accidentalment a Peter. Ixo li fa perder a cordura, y no aduya que su fillo se fugue con una chitana mientres que él merca lo campo en a subhasta por o pre de 101 libras sin garra oposición, encara que en descubrir-se lo cadavre de Peter se desencadena la trachedia definitiva.

A cinta s'ambienta en os anyos 1930 en Irlanda; y las suyas escenas se filmoron en An Líonán y atros puestos d'os condaus de Gaillimhe, Maigh Eo, Cill Mhantáin y Ciarraí en Irlanda, amás d'en os Ardmore Studios en Bré, tamién en o condau de Cill Mhantáin. Localizacions de The Field en Internet Movie Database.

The Field ye una cinta que ha recibiu bels premios y nominacions, en destacando una nominación a lo Premio Oscar a lo Millor Actor en 1991 en a 63ena edición d'os Premios Oscar; una nominación a lo Premio BAFTA a lo Millor Actor Segundario ixe mesmo enyo en a 44ena edición d'os Premios BAFTA; y una nominación a lo Premio Globo d'Oro a lo Millor Actor Dramatico en ixe mesmo anyo de 1991 en a 48ena edición d'os Premios Globos d'Oro.

Elenco The Field en Internet Movie Database. Actor Papel Notas ''''

Se veiga tamién Cine en 1990. Cintas de 1990.

Referencias

Vinclos externos The Field en Internet Movie Database. The Field en Box Office Mojo.

Categoría:Cintas ambientadas en Irlanda Categoría:Cintas ambientadas en os anyos 1930 Categoría:Cintas con banda sonora orichinal d'Elmer Bernstein Categoría:Cintas con dirección de fotografía de Jack Conroy Categoría:Cintas con guión de Jim Sheridan Categoría:Cintas con montache de J. Patrick Duffner Categoría:Cintas de cine de drama Categoría:Cintas d'Irlanda Categoría:Cintas dirichidas por Jim Sheridan Categoría:Cintas en anglés Categoría:Cintas en Technicolor Categoría:Cintas interpretadas por Brenda Fricker Categoría:Cintas interpretadas por Brendan Gleeson Categoría:Cintas interpretadas por Frances Tomelty Categoría:Cintas interpretadas por Frank McDonald Categoría:Cintas interpretadas por Jenny Conroy Categoría:Cintas interpretadas por Jer O'Leary Categoría:Cintas interpretadas por Joan Sheehy Categoría:Cintas interpretadas por John Hurt Categoría:Cintas interpretadas por Malachy McCourt Categoría:Cintas interpretadas por Richard Harris Categoría:Cintas interpretadas por Ruth McCabe Categoría:Cintas interpretadas por Sean Bean Categoría:Cintas interpretadas por Sean McGinley Categoría:Cintas interpretadas por Tom Berenger Categoría:Cintas interpretadas por Tommy Walsh Categoría:Cintas producidas por Noel Pearson Categoría:Cintas rodadas en An Líonán Categoría:Cintas rodadas en Bré Categoría:Cintas rodadas en Ciarraí Categoría:Cintas rodadas en Cill Mhantáin Categoría:Cintas rodadas en o condau de Gaillimh Categoría:Cintas rodadas en o condau de Maigh Eo