L'aragüesino u aragonés d'a val d'Aragués ye a parla local aragonesa que se charra en Aragüés y Chasa. Aragüés de lo Puerto figura en l'ALEANR con as siglas Hu 104. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
Ye pareixiu a o cheso, y millor conservau que l'aragonés vecín d'Aísa, Esposa y Sinués. En sentiu amplo se puet considerar una variant local u colateral d'o cheso, y de feito a denominación tradicional de cheso incluyiba la parla d'Aragüés de lo Puerto. Francho Nagore et al.: Endize de bocables de l'aragonés. Instituto de Estudios Altoaragoneses, Uesca 1999.
Morfolochía O sistema d'articlos definius ye lo, la, los, las como en cheso. En o chenero gramatical se documenta formas analochicas como verda, proba y diabla como femenins de verde, probe y diablo. A forma verda se documenta tamién en o Fuero Cheneral de Navarra, Pascual González Guzmán: El habla viva del Valle de Aragüés. Monografías del instituto de estudios pirenaicos. Zaragoza, 1953, p 76. pero no ye guaire común ni en aragonés medieval ni en as atras parlas altoaragonesas. O pasau perfecto simple tiene desinencias con -o como en tensino: pagomos, ("paguemos"), cantoz, (cantez),. En a tercera persona plural ye en -oron nomás que en a 1ª conchugación: cantoron, pero en a 2ª y 3ª personas coexisten a forma chesa -ieron con a cheneral -io(ro)n: salieron, partioron, riyeron, favoreción. En os verbos irregulars con -i en a primera persona present, trobamos esta -i en yo foi, pero no en yo vó. Existen, como en Sobrarbe "perfectos fuertes": fízon, trújon. Jean-Joseph Saroïhandy documentó l'uso d'o verbo ser como verbo auxiliar de verbos intransitivos.
Lexico Son palabras diferents a las d'Aísa, Esposa y Sinués, (Val d'Estarrún) Tachubo, charga, (barza en a val d'Estarrún), argüella, vetiello.
Referencias
Vinclos externos
Araguesino Categoría:Aragüés de lo Puerto