The Last Emperor (títol orichinal en anglés, en aragonés O zaguer emperador, estrenada en Aragón con o suyo títol traduciu enta lo castellano como El último emperador) ye una cinta de cine biografico epico dramatico historico coproducida por o cine italiano, lo cine britanico, lo cine francés y lo cine chinés estrenada l'anyo 1987, dirichida por Bernardo Bertolucci seguntes un guión adaptau por Mark Peploe y Bernardo Bertolucci (basau en Wode qianban sheng, l'autobiografía de Puyi publicada l'anyo 1960), con una banda sonora orichinal de Ryuichi Sakamoto, David Byrne y Cong Su, una dirección de fotografía de Vittorio Storaro, una producción cinmatografica de Jeremy Thomas, Franco Giovale y Joyce Herlihy ta las productoras Hemdale Film Corporation, Recorded Picture Company, Yanco Films, TAO Film y Acteurs Auteurs Associés y un elenco d'o cual en fan parte John Lone, Joan Chen, Peter O'Toole, Ying Ruocheng, Victor Wong, Dennis Dun, Ryuichi Sakamoto, Maggie Han, Ric Young, Vivian Wu, Cary-Hiroyuki Tagawa, Jade Go, Fumihiko Ikeda, Fan Guang, Lisa Lu, Basil Pao, Dong Liang y Henry O, entre d'atros actors.
En 1950, l'antigo emperador de China Puyi, que heba estau capturau por l'Exercito Royo mientres a invasión sovietica de Manchuria a la fin d'a Segunda Guerra Mundial, ye tresladau enta una garchola como presonero por crímens de guerra ta estar interrogau y reeducau, dimpués d'a fundación d'a Republica Popular Chinesa. Remera cuan en 1908 nomás teneba que dos anyos y lo levoron enta la Ciudat Prohibida a presencia d'a emperadriz Cixi ta estar o nuevo emperador dimpués d'a muerte de l'anterior. Pasó la suya vida zarrau en l'interior dà Ciudat Prohibida rodiau d'eunucos, sin saber mesmo que s'heba proclamau a Republica de China, dica que en 1919 nombroron a Reginald Johnston, un escocés, como lo suyo tutor. En recebir una educación occidental, prencipió a tener deseyos de marchar d'a Ciudat Prohibida, y Johnston el convence de que la millor manera ye casar-se, asinas que fa la suya voda y amás tien una consort. Prencipia a fer reformas en a Ciudat Prohibida, pero en 1924 a él mesmo el fan fuera. Prencipia una breu vida de diversions y cada vegada s'amana mas a l'Imperio Chaponés, que finalment el nombran dirichent de l'estau satelite que han creyau en Manchuria, Manchukuo. Os chaponeses el mantienen nomás que como fegura decorativa, sin garra poder real, que amás cada vegada ye una mica mas chicot, dica que lo Chapón pierde la guerra. Puyi pensaba entregar-se a los estausunidenses, pero anter de poder marchar i plegan paracayidistas de l'Exercito Royo. Agora Puyi ye reeducau, dica que en 1959 el consideran reeducau y el liberan, treballando como un simple chardinero dica la suya muerte en 1967.
The Last Emperor s'ambienta en os anyos 1900, 1910, 1920, 1930, 1940, 1950 y 1960 en Pequín, Tianjin, Changchun y Liaoning; y las suyas escenas se filmoron en Changchun (Jilin), Dalian (Liaoning) y Pequín en China y en Parma (provincia de Parma) en Italia, amás d'en os Beijing Studios en Pequín y los Cinecittà Studios y los Incir De Paolis Studios en Roma en Italia. Localizacions de The Last Emperor en Internet Movie Database.
Se tracta d'una cinta que ha recibiu cuantismos premios y nominacions, en destacando nueu Premios Oscar en 1988 mientres a suya 60ena edición (Millor Cinta, Millor Director, Millor Guión Adaptau, Millor Disenyo de Producción, Millor Fotografía, Millor Disenyo de Vestuario, Millor Montache, Millor Banda Sonora Orichinal y Millor Soniu); tres Premios BAFTA (Millor Cinta, Millor Disenyo de Vestuario y Millor Maquillache y Peluquería) y atras ueito nominacions (Millor Director, Millor Actor Segundario, Millor Fotografía, Millor Montache, Millor Disenyo de Producción, Millor Banda Sonora, Millor Soniu y Millors Efectos Especials) en 1989 mientres a 42ena edición d'os Premios BAFTA; un Premio César a la Millor Cinta Forana y una nominación a lo Premio César a lo Millor Póster en 1988 mientres a 13ena edición d'os Premios César; nueu Premios David de Donatello en 1988 mientres a suya 33ena edición (Millor Cinta, Millor Director, Millor Productor, Millor Actor Segundario, Millor Guión, Millor Dirección de Fotografía, Millor Vestuario, Millor Montache y Millor Escenografo), amás d'una nominación a lo Premio David de Donatello a la Millor Actriz Segundaria; un Premio Especial d'o Churau en 1988 mientres a 1era edición d'os Premios d'o Cine Europeu; y cuatre Premios Globos d'Oro en 1988 mientres a suya 45ena edición (Millor Cinta Dramatica, Millor Director, Millor Guión y Millor Banda Sonora Orichinal), amás d'una nominación a lo Millor Actor Dramatico.
Elenco The Last Emperor en Internet Movie Database. Actor Papel Notas ''''
Se veiga tamién Cine en 1987. Cintas de 1987.
Referencias
Vinclos externos
The Last Emperor en Internet Movie Database. The Last Emperor en Rotten Tomatoes. The Last Emperor en Metacritic.
Categoría:Cintas ambientadas en Changchun Categoría:Cintas ambientadas en Liaoning Categoría:Cintas ambientadas en Pequín Categoría:Cintas ambientadas en Tianjin Categoría:Cintas ambientadas en os anyos 1900 Categoría:Cintas ambientadas en os anyos 1910 Categoría:Cintas ambientadas en os anyos 1920 Categoría:Cintas ambientadas en os anyos 1930 Categoría:Cintas ambientadas en os anyos 1940 Categoría:Cintas ambientadas en os anyos 1950 Categoría:Cintas ambientadas en os anyos 1960 Categoría:Cintas con banda sonora orichinal de Cong Su Categoría:Cintas con banda sonora orichinal de David Byrne Categoría:Cintas con banda sonora orichinal de Ryuichi Sakamoto Categoría:Cintas con dirección de fotografía de Vittorio Storaro Categoría:Cintas con guión de Bernardo Bertolucci Categoría:Cintas con guión de Mark Peploe Categoría:Cintas con montache de Gabriella Cristiani Categoría:Cintas de cine biografico Categoría:Cintas de cine de drama Categoría:Cintas de cine epico Categoría:Cintas de cine historico Categoría:Cintas de China Categoría:Cintas de Francia Categoría:Cintas d'Italia Categoría:Cintas d'o Reino Uniu Categoría:Cintas dirichidas por Bernardo Bertolucci Categoría:Cintas en anglés Categoría:Cintas en chaponés Categoría:Cintas en chinés mandarín Categoría:Cintas en francés Categoría:Cintas en Eastmancolor Categoría:Cintas en Technicolor Categoría:Cintas en Technovision Categoría:Cintas interpretadas por Basil Pao Categoría:Cintas interpretadas por Cary-Hiroyuki Tagawa Categoría:Cintas interpretadas por Dennis Dun Categoría:Cintas interpretadas por Dong Liang Categoría:Cintas interpretadas por Fan Guang Categoría:Cintas interpretadas por Fumihiko Ikeda Categoría:Cintas interpretadas por Henry O Categoría:Cintas interpretadas por Jade Go Categoría:Cintas interpretadas por Joan Chen Categoría:Cintas interpretadas por John Lone Categoría:Cintas interpretadas por Lisa Lu Categoría:Cintas interpretadas por Maggie Han Categoría:Cintas interpretadas por Peter O'Toole Categoría:Cintas interpretadas por Ric Young Categoría:Cintas interpretadas por Ryuichi Sakamoto Categoría:Cintas interpretadas por Victor Wong Categoría:Cintas interpretadas por Vivian Wu Categoría:Cintas interpretadas por Ying Ruocheng Categoría:Cintas producidas por Franco Giovale Categoría:Cintas producidas por Jeremy Thomas Categoría:Cintas producidas por Joyce Herlihy Categoría:Cintas rodadas en Changchun Categoría:Cintas rodadas en Dalian Categoría:Cintas rodadas en Parma Categoría:Cintas rodadas en Pequín Categoría:Cintas rodadas en Roma Categoría:Premio BAFTA a la Millor Cinta Categoría:Premio César a la Millor Cinta Forana Categoría:Premio David de Donatello a la Millor Cinta Categoría:Premio Globo d'Oro a la Millor Cinta Dramatica Categoría:Premio Oscar a la Millor Cinta