Iste articlo ye sobre una cinta estausunidense de cine d'acción de l'anyo 2021; ta atros usos, se veiga Redemption Day.
Redemption Day (títol orichinal en anglés, en aragonés Día de redención, estrenada en Aragón con o suyo títol orichinal) ye una cinta de cine d'intriga d'acción dramatica coproducida por o cine estausunidense y lo cine marroquín estrenada l'anyo 2021, dirichida por Hicham Hajji seguntes un guión adaptau por él mesmo, Lemore Syvan y Samy Chouia (basau en una historia d'o mesmo Hicham Hajji), con una banda sonora orichinal de Sacha Chaban, una dirección de fotografía de Philip Lozano y una producción cinematografica d'Hicham Hajji y David Zilberberg ta las productoras Voltage Pictures, H Films y Buffalo 8 Productions. Conta con un elenco d'actors d'o cual en fan parte Gary Dourdan, Serinda Swan, Andy García, Brice Bexter, Ernie Hudson, Martin Donovan, Robert Knepper, Samy Naceri, Yassine Azzouz, Lilia Hajji y Brahim Rachiki, entre d'atros.
Brad Paxton ye un capitán d'o United States Marine Corps que vive en Nueva York con su muller Kate (una arqueologa) y su filla, recient tornau d'una estada por o suyo treballo en Siria, d'a on ha tornau bien acorau. A su muller li ufren partecipar en unas excavacions en Marruecos en busca d'una important ciudat amagada en o disierto d'o Sahara amán d'a muga con Alcheria, y accepta partecipar. En Marruecos conoix a Jean Rashidi, un arqueologo franco-alcherián, y con un equipo marchan enta lo puesto a on se i troba la ciudat, pero sin parar cuenta trescruzan a muga con Alcheria y son secuestraus por un grupo de rebels islamistas, que se levan a Kate, a Rashidi y a un marroquín, Amir Jadid. A iste lo liberan posteriorment ta que faga plegar enta las autoridaz que demanan un rescate por Kate y por Rashidi. Cuan informan a Brad, iste marcha bien luego enta Marruecos, a on i contacta con Younes Laale, un antigo miembro d'o suyo equipo, y convencen a l'embaixador estausunidense ta que colabore con éls en dando-les informacions. Con istas informacions ubican a Jaafar El Hadi, lo líder terrorista secuestrador, y Brad y Younes marchan enta lo puesto a on se i troba. Consiguen liberar a Kate, pero ixa nueit en no haber pagau rescate lo gubierno francés, os terroristas asasinan a Rashidi. Os United States Navy SEALs asaltan o complexo terrorista y matan a los terroristas, pero cuan posteriorment marchan, Brad y Younes fan esclatar as instalacions y se considera que han muerto en l'acción, pero en realidat no han falleixiu, so que descubren qui ye realment dezaga d'os terroristas.
A cinta s'ambienta en a suya epoca actual (2021) en Nueva York (Nueva York) en os Estaus Unius y en Marruecos y Alcheria; y las suyas escenas se filmoron en Ouarzazate (provincia d'Ouarzazate), Casablanca (provincia de Casablanca) y Rabat (prefectura de Rabat) en Marruecos y en Nueva York (Nueva York) en os Estaus Unius, amás d'en os Oasis Studios Morocco en Ouarzazate. Localizacions de Redemption Day, en Internet Movie Database.
Se tracta d'una cinta que ha recibiu bels premios, encara que ditos premios no fan parte d'o conchunto de premios mas conoixius u destacaus d'o circuito cinematografico internacional.
Elenco Redemption Day en Internet Movie Database. Actor Papel Notas ''''
Se veiga tamién Cine en 2021. Cintas de 2021.
Referencias
Vinclos externos Redemption Day en Internet Movie Database.
Categoría:Cintas ambientadas en Alcheria Categoría:Cintas ambientadas en Marruecos Categoría:Cintas ambientadas en Nueva York (ciudat) Categoría:Cintas ambientadas en 2021 Categoría:Cintas con banda sonora orichinal de Sacha Chaban Categoría:Cintas con dirección de fotografía de Philip Lozano Categoría:Cintas con guión de Hicham Hajji Categoría:Cintas con guión de Lemore Syvan Categoría:Cintas con guión de Samy Chouia Categoría:Cintas con montache de Karim Ouaret Categoría:Cintas de cine d'acción Categoría:Cintas de cine de drama Categoría:Cintas de cine d'intriga Categoría:Cintas d'Estaus Unius Categoría:Cintas de Marruecos Categoría:Cintas dirichidas por Hicham Hajji Categoría:Cintas en anglés Categoría:Cintas en francés Categoría:Cintas en Cinemascope Categoría:Cintas en Panavision Categoría:Cintas interpretadas por Andy García Categoría:Cintas interpretadas por Brahim Rachiki Categoría:Cintas interpretadas por Brice Bexter Categoría:Cintas interpretadas por Ernie Hudson Categoría:Cintas interpretadas por Gary Dourdan Categoría:Cintas interpretadas por Lilia Hajji Categoría:Cintas interpretadas por Martin Donovan Categoría:Cintas interpretadas por Robert Knepper Categoría:Cintas interpretadas por Samy Naceri Categoría:Cintas interpretadas por Serinda Swan Categoría:Cintas interpretadas por Yassine Azzouz Categoría:Cintas producidas por David Zilberberg Categoría:Cintas producidas por Hicham Hajji Categoría:Cintas rodadas en Casablanca Categoría:Cintas rodadas en Nueva York (ciudat) Categoría:Cintas rodadas en Ouarzazate Categoría:Cintas rodadas en Rabat