Iste articlo ye sobre una cinta de cine belico coproducida por Estaus Unius y Francia estrenada en l'anyo 2000; ta atros usos, se veiga U-571 (desambigación).

U-571 (títol orichinal, estrenada en Aragón con ixe mesmo títol) ye una cinta de cine belico coproducida por o cine estausunidense y lo cine francés estrenada l'anyo 2000, dirichida por Jonathan Mostow seguntes un guión adaptau por él mesmo y por Sam Montgomery y David Ayer (basau en una historia d'o mesmo Jonathan Mostow), con una banda sonora orichinal de Richard Marvin, una dirección de fotografía d'Oliver Wood y una producción cinematografica de Dino De Laurentiis y Martha De Laurentiis ta las productoras Dino De Laurentiis Company y Canal+ Image. Conta con un elenco formau por Matthew McConaughey, Bill Paxton, Harvey Keitel, Jon Bon Jovi, David Keith, Jake Weber, Jack Noseworthy, Tom Guiry, Will Estes, T. C. Carson, Erik Palladino, Dave Power, Derk Cheetwood, Matthew Settle, Thomas Kretschmann, Gunter Würger, Oliver Stokowski y Burnell Tucke, entre d'atros actors.

En mayo de 1942, mientres a batalla de l'Atlantico en a Segunda Guerra Mundial, o submarino U-571 d'a Kriegsmarine d'o Tercer Reich ha padeixiu importants danyos en os suyos motors por l'ataque d'un destructor d'a Royal Navy britanica que amás ha provocau un incendio a on han muerto os mecanicos que pueden reparar-los. Por ixo lo capitán d'o submarino, Günther Wassner, ninvía una senyal d'o socorro enta los suyos superiors. Os servicios d'intelichencia d'os Aliaus han interceptau a senyal y deciden modificar a escape o submarino S-33 d'a US Navy ta fer-lo pareixer un submarino alemán de furnimiento y enganyar a la tripulación de l'U-571 ta apoderar-se d'él y, especialment, d'a maquina Enigma d'o suyo interior que permite decodificar os mensaches alemans, ta posteriorment fundir o submarino y asinas fer creyer a los alemans que la maquina enigma s'ha perdiu en a mar y que no modifiquen os suyos codigos. O capitán d'o submarino estausunidense, Dahlgren, tien como segundo a lo mando a Tyler, descontento con él porque ha bloqueyau o suyo ascenso ta mandar o suyo propio submarino, cosa que ha feito Dahlgren en considerar que Tyler tien dificultaz ta dar órdens sin dubdar. Ta la misión s'han incorporau a la tripulación d'o submarino lo tenient Hirsch y l'operador de Wentz, que charran alemán perfecto, y Coonan, un experto en explosivos. O S-33 contacta con l'U-571 en bel meyo d'una gran tronada y consiguen enganyar a la tripulación y apoderar-se d'o submarino, pero alavez i plega un submarino alemán de furnimiento que torpedeya y funde a lo S-33, salvando-se nomás que Tyler y lo grupo que yeran adintro d'o submarino alemán capturau. Tyler diriche una luita contra lo submarino de furnimiento dende l'U-571 y consigue fundir-lo. Nomás lis queda una opción, que ye dirichir o submarino con os supervivients y los alemans capturaus enta un puerto en os Estaus Unius. O problema ye que de rapiconte un plega un destructor alemán, que puet fundir o submarino malas que descubra que ye en mans de l'enemigo, u comunicar que istos s'han apoderau d'una maquina Enigma, fendo asinas fracasar a misión.

A cinta s'ambienta en 1942 en l'oceano Atlantico mientres a batalla de l'Atlantico en a Segunda Guerra Mundial, y las suyas escenas se filmoron en Los Angeles y San Francisco (California) en os Estaus Unius, en localizacions en Rusia y en os Cinecittà Studios en Roma (Lazio) en Italia y en os Malta Film Studios en Kalkara en Malta. Localizacions d'U-571, en Internet Movie Database.

U-571 ye una cinta que ha recibiu bels premios y nominacions, en destacando un Premio Oscar a lo Millor Soniu y una nominación a lo Premio Oscar a la Millor Edición de Soniu en 2001 en a 73ena edición d'os Premios Oscar.

Elenco U-571 en Internet Movie Database. Actor Papel Notas ''''

Se veiga tamién Cine en 2000. Cintas de 2000.

Referencias

Vinclos externos

U-571 en Internet Movie Database. U-571 en Rotten Tomatoes. U-571 en Metacritic. U-571 en Box Office Mojo.

Categoría:Cintas ambientadas en l'oceano Atlantico Categoría:Cintas ambientadas en 1942 Categoría:Cintas con banda sonora orichinal de Richard Marvin Categoría:Cintas con dirección de fotografía de Oliver Wood Categoría:Cintas con guión de David Ayer Categoría:Cintas con guión de Jonathan Mostow Categoría:Cintas con guión de Sam Montgomery Categoría:Cintas con montache de Wayne Wahrman Categoría:Cintas de cine belico Categoría:Cintas d'Estaus Unius Categoría:Cintas de Francia Categoría:Cintas dirichidas por Jonathan Mostow Categoría:Cintas en alemán Categoría:Cintas en anglés Categoría:Cintas en Color by DeLuxe Categoría:Cintas en Kodakvision Categoría:Cintas interpretadas por Bill Paxton Categoría:Cintas interpretadas por Burnell Tucke Categoría:Cintas interpretadas por Dave Power Categoría:Cintas interpretadas por David Keith Categoría:Cintas interpretadas por Derk Cheetwood Categoría:Cintas interpretadas por Erik Palladino Categoría:Cintas interpretadas por Gunter Würger Categoría:Cintas interpretadas por Harvey Keitel Categoría:Cintas interpretadas por Jack Noseworthy Categoría:Cintas interpretadas por Jake Weber Categoría:Cintas interpretadas por Jon Bon Jovi Categoría:Cintas interpretadas por Matthew McConaughey Categoría:Cintas interpretadas por Matthew Settle Categoría:Cintas interpretadas por Oliver Stokowski Categoría:Cintas interpretadas por T. C. Carson Categoría:Cintas interpretadas por Thomas Kretschmann Categoría:Cintas interpretadas por Tom Guiry Categoría:Cintas interpretadas por Will Estes Categoría:Cintas producidas por Dino De Laurentiis Categoría:Cintas producidas por Martha De Laurentiis Categoría:Cintas rodadas en Kalkara Categoría:Cintas rodadas en Los Angeles Categoría:Cintas rodadas en Roma Categoría:Cintas rodadas en Rusia Categoría:Cintas rodadas en San Francisco Categoría:Cintas de cine sobre a Segunda Guerra Mundial