Poliziotto superpiù (títol orichinal en italiano, en aragonés Policía superplus, estrenada en Aragón con o títol en castellano d'El superpoderoso, en aragonés O superpoderoso) ye una cinta de cine de comedia de superherois coproducida por o cine italiano, lo cine estausunidense y lo cine espanyol estrenada l'anyo 1980, dirichida por Sergio Corbucci seguntes un guión orichinal d'él mesmo y de Sabatino Ciuffini, con una banda sonora orichinal de Michelangelo La Bionda, una dirección de fotografía de Silvano Ippoliti y una producción cinematografica de Vittorio Galiano y Josi W. Konski ta las productoras El Pico S.A. y Trans Cinema Tv. Conta con un elenco d'actors d'o cual en fan parte Terence Hill, Ernest Borgnine, Joanne Dru, Marc Lawrence, Julie Gordon, Lee Sandman y Woody Woodbury, entre d'atros.
Dave Speed ye un policía recient licenciau de l'academia a qui ninvían a notificar una multa d'aparcamiento a una aldeya d'una comunidat indichena en os Everglades de Florida cuan casualment s'ha esbutiu l'aldeya ta fer-ie un experimento secreto de radiación por achencias gubernamentals. Cuan plega enta l'aldeya recibe la radiación pero sobrevive y cuan diz que ha estau amán d'a explosión no el creye Willy Dunlop, lo suyo companyero y amigo. Bien luego descubre que ha adquiriu cualques superpoders como velocidat, resistencia, fuerza, telequinesi, precognición, intuición, hipnotismo, telepatía y muitos mas, encara que de vegadas sin garra motivo aparent ixos poders desapareixen temporalment. Fa servir ixos poders ta descubrir una falsificación de billez feita por un empresario clamau Torpedo y Rosie Labouche, una antiga actriz que ye la suya amant. Silvius, un mago que fuyiba de Torpedo en haber descubierto la suya falsificación, fa veyer a Dave que los suyos poders desapareixen malas que veye la color roya. Dave, aplicando los suyos poders hipnoticos a Torpedo, descubre que la imprenta d'os billez se troba en un barco pesquero. O problema ye que Dunlop, que conoix o secreto de Dave y ye enamorau de Rosie, li conta a ista ta impresionar-la los poders d'o suyo amigo y ista li para una trampa conseguindo que l'acusen d'asasinato y que ingrese en una garchola, asegurando-se de que siempre veiga la color roya ta que no pueda fuyir emplegando los suyos poders.
A cinta s'ambienta en o suyo momento actual (1980) en Miami y atros puestos de Florida; y las suyas escenas se filmoron en Hollywood, Miami y Miami Beach (Florida). Localizacions de Poliziotto superpiù, en Internet Movie Database.
Poliziotto superpiù ye una cinta que ha recibiu bella nominación a bel premio, encara que no a garra premio d'os mas conoixius u destacaus d'o panorama cinematografico internacional.
Elenco Poliziotto superpiù en Internet Movie Database. Actor Papel Notas ''''
Se veiga tamién Cine en 1980. Cintas de 1980.
Referencias
Vinclos externos
Poliziotto superpiù en Internet Movie Database. Poliziotto superpiù en Rotten Tomatoes.
Categoría:Cintas ambientadas en Miami Categoría:Cintas ambientadas en 1980 Categoría:Cintas con banda sonora orichinal de Michelangelo La Bionda Categoría:Cintas con dirección de fotografía de Silvano Ippoliti Categoría:Cintas con guión de Sabatino Ciuffini Categoría:Cintas con guión de Sergio Corbucci Categoría:Cintas con montache d'Eugenio Alabiso Categoría:Cintas de cine de comedia Categoría:Cintas de cine de superherois Categoría:Cintas d'Espanya Categoría:Cintas d'Estaus Unius Categoría:Cintas d'Italia Categoría:Cintas dirichidas por Sergio Corbucci Categoría:Cintas en anglés Categoría:Cintas en italiano Categoría:Cintas en Technicolor Categoría:Cintas interpretadas por Ernest Borgnine Categoría:Cintas interpretadas por Joanne Dru Categoría:Cintas interpretadas por Julie Gordon Categoría:Cintas interpretadas por Lee Sandman Categoría:Cintas interpretadas por Marc Lawrence Categoría:Cintas interpretadas por Terence Hill Categoría:Cintas interpretadas por Woody Woodbury Categoría:Cintas producidas por Josi W. Konski Categoría:Cintas producidas por Vittorio Galiano Categoría:Cintas rodadas en Hollywood (Florida) Categoría:Cintas rodadas en Miami Categoría:Cintas rodadas en Miami Beach (Florida)