Los domingos (títol orichinal en castellano, en aragonés Os dominches, estrenada en Aragón con o suyo títol orichinal) ye una cinta de cine espanyol de cine de drama d'intriga estrenada l'anyo 2025, dirichida por Alauda Ruiz de Azúa seguntes un guión orichinal d'ella mesma, con una dirección de fotografía de Bet Rourich y una producción cinematografica de Sandra Hermida Muñiz y Nahikari Ipiña ta las productoras Basque Audiovisual, Buena Pinta Media, Colosé Producciones, Comunidat de Madrit, Crea SGR, Encanta Films, Instituto de la Cinematografía y de las Artes Audiovisuales, Le Pacte, Los Desencuentros Película AIE, Movistar Plus+, Sayaka Producciones Audiovisuales y Think Studio. Conta con un elenco d'o cual en fan parte, entre d'atros actors, Blanca Soroa, Patricia López Arnaiz, Miguel Garcés, Juan Minujín, Mabel Rivera, Nagore Aranburu y Guillermo Zani.
Ainara Alzaga ye una choven de 17 anyos d'edat que vive en o País Basco con su pai, Iñaki, que treballa en o mundo d'a restauración y que s'adedica plenament a lo suyo treballo. Bel día partecipa en un retiro espiritual mientres o cual conoix a la mai superiora d'un convento y descubre que siente atracción por a vida relichiosa. En una reunión familiar Maite, la tía d'Ainara, que ye atea, descubre ixo esgarillada y se i oposa frontalment, mientres que Iñaki, lo pai d'Ainara, pareixe acceptar millor a decisión d'a mesacha de plegar mesmo a estar moncha de clausura. Maite demana a Iñaki que ninvíe a Ainara a l'estranchero ta veyer si albandona la suya ideya, pero Iñaki se niega, preocupau por os diners que cuesta ixo y que él no puet pagar en estar en momento delicau por as suyas inversions en restaurants. A la vegada, Maite preba todas as vías posibles ta convencer a Ainara, plegando mesmo a barallar-se con Iñaki por iste tema, a la vegada que amaneixen disputas por l'herencio entre Iñaki y Maite.
A cinta s'ambienta en a suya epoca actual (2025) en o País Basco, y las suyas escenas se filmoron en Bilbau, Gernika-Lumo, Getxo, Leioa, Mallabia y Zamudio (Bizcaya) en o País Basco- Localizacions de Los domingos, en Internet Movie Database.
Se tracta d'una cinta que ha recibiu cuantismos premios y nominacions, en destacando cinco Premios Goya (Millor Cinta, Millor Dirección, Millor Guión Orichinal, Millor Actriz y Millor Actriz Segundaria), amás d'atras ueito nominacions (Millor Actor, Millor Actor Segundario, Millor Actriz Revelación, Millor Fotografia, Millor Dirección de Producción, Millor Montache, Millor Disenyo de Vestuario y Millor Soniu) en 2026 mientres a 40ena edición de ditos premios.
Elenco Los domingos en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 2025. Cintas de 2025.
Referencias
Vinclos externos Los domingos en Internet Movie Database. Los domingos en o Catálogo del Cine Españoi'' de l'Instituto de la Cinematografía y de las Artes Audiovisuales. Los domingos en FilmAffinity. Los domingos en Allociné.
Categoría:Cintas ambientadas en o País Basco Categoría:Cintas ambientadas en 2025 Categoría:Cintas con dirección de fotografía de Bet Rourich Categoría:Cintas con guión d'Alauda Ruiz de Azúa Categoría:Cintas con montache d'Andrés Gil Categoría:Cintas de cine de drama Categoría:Cintas de cine d'intriga Categoría:Cintas d'Espanya Categoría:Cintas de Francia Categoría:Cintas dirichidas por Alauda Ruiz de Azúa Categoría:Cintas en anglés Categoría:Cintas en basco Categoría:Cintas en castellano Categoría:Cintas interpretadas por Blanca Soroa Categoría:Cintas interpretadas por Guillermo Zani Categoría:Cintas interpretadas por Juan Minujín Categoría:Cintas interpretadas por Mabel Rivera Categoría:Cintas interpretadas por Miguel Garcés Categoría:Cintas interpretadas por Nagore Aranburu Categoría:Cintas interpretadas por Patricia López Arnaiz Categoría:Cintas producidas por Nahikari Ipiña Categoría:Cintas producidas por Sandra Hermida Muñiz Categoría:Cintas rodadas en Bilbau Categoría:Cintas rodadas en Gernika-Lumo Categoría:Cintas rodadas en Getxo Categoría:Cintas rodadas en Leioa Categoría:Cintas rodadas en Mallabia Categoría:Cintas rodadas en Zamudio Categoría:Premio Goya a la Millor Cinta