A plaza de toros de Calatayú, tamién conoixida como La Margarita, ye una plaza de toros situada en Calatayú (Zaragoza). Construyida en l'anyo 1877, encara que haiga estau esviellada conserva o suyo aspecto orichinal.
Caracteristicas Tiene un aforo pa 8830 espectadors, situaus en una grada y dos tribunas, estando asinas a segunda plaza mas gran d'Aragón; manimenos, ye considerada como plaza de tercera categoría. Amás entre as suyas dependencias i hai un patio de rastre y a la vegada de caballos, patio de cuadriellas, cuatre corrals, dos corraletas y ocho zollons.
Ye situada en l'avenida Barón de Warsage, en l'acceso a la ciudat dende Zaragoza.
Cada anyo se i celebran dos ferias:
Sant Roque: dos corridas, por un regular o 14 y 15 d'agosto. Virchen d'a Penya: una u dos corridas, entre o 7 y o 10 de setiembre.
Amás d'atros actos taurinos como:
Una suelta de vaquetas pa Santa Marta. Cuatre sueltas de vaquetas mientres as fiestas de Sant Roque. Un concurso de recortadors como prolegomeno de Sant Roque. Concurso d'emboladors.
Dende fa bels anyos amás se i fan encierros taurinos. De cabo cuan se i celebran atro tipo d'actos, como conciertos (El Canto del Loco, Amaral...) y concursos de freestyle.
Desde l'anyo 2009, ye chestionada por a empresa "Ruedos Bravos".
Vinclos externos Pachina web d'a plaza de Toros Ficha en Calatayud.org Cartels en a plaza de toros de Calatayú anyo a anyo
Categoría:Arquitectura neomudéchar Calatayú Categoría:Molimentos de Calatayú