Iste articlo ye sobre una cinta de western estausunidense estrenada en 1959; ta atros usos, se veiga The Hanging Tree.

The Hanging Tree (títol en anglés, en aragonés L'arbol de l'aforcamiento, estrenada en Aragón con o títol en castellano d'El árbol del ahorcado, en aragonés L'árbol de l'aforcau) ye una cinta de cine estausunidense de cine de western estrenada l'anyo 1959, dirichida por Delmer Daves seguntes un guión adaptau por Wendell Mayes y Halsted Welles (basau en The Hanging Tree, una novela publicada por Dorothy M. Johnson en l'anyo 1957), con una banda sonora orichinal de Jerry Livingston y Max Steiner, una dirección de fotografía de Ted D. McCord, una producción cinematografica de Martin Jurow y Richard Shepherd ta la productora cinematografica Baroda Productions y un elenco formau por Gary Cooper, Karl Malden, Maria Schell, George C. Scott, Karl Swenson, Ben Piazza, Virginia Gregg, John Dierkes y King Donovan, entre d'atros actors.

Joseph Frail ye un medico y antigo pistolero que plega enta lo lugar de Skull Creek (Montana), un d'os lugars ocupaus en a busca d'oro mientres una fiebre de l'oro, ta treballar-ie como medico. Pasa a lo canto d'un viello caxico americano d'o cual pencha una viella cuerda, y comprén que se tracta de l'árbol d'os aforcamientos. Troba a Rune, que ha resultau feriu d'un disparo por Frenchy mientres que prebaba de robar oro, y en fa la cura. Pero como no tien diners, l'obliga a treballar ta él, a la vegada que el menaza con revelar que ye un ladrón. Bien luego atacan una carramata a on i viachaban un suizo y su filla, trobando a l'hombre muerto y a la mesacha Elizabeth Mahler con ceguera provocada por o sol, cremadas grieus y deshidratada. Ta que se recupere, Frail opta por instalar-la en una casa a lo suyo canto, pero ixo provoca charradurías entre las mullers d'o lugar, que escunzan que la mesacha paga a lo medico con sexo. Envalentonau por ixo, Frenchy dentra en casa d'Elizabeth y preba de besar-la violentament, salvando-se en plegar Frail, que colpeya a Frenchy. Grubb, un miraglero, sabe que Frail ye un competidor ta él, y fa carrusclas de cómo desacarrazar-se d'él. Cuan Elizabet recupera la vista, preba de seducir a Frail, pero iste la refusa, y decide buscar oro ella tamién, asociando-se con Rune y Frenchy ta mercar un terreno y explotar-lo. Como ta ixo amenista diners, empenya una choya familiar, sin saber que la suya valura ye nula pero que Frail cubre l'ampre. Cuan Elizabeth lo descubre y pregunta, Frail confiesa que la suya muller l'enganyó con su chirmano y que los trobó muertos en la casa, optando por cremar l'edificio con os dos cuerpos en l'interior y que por ixo refusa cualsiquier relación con una atra muller. Poco dimpués os tres socios troban una gran cantidat d'oro, pero a fiesta de celebración, a on se i fa gran consumo d'alcol, ye lo momento esleyiu por Grubb ta organizar una garrullada contra Frail. Frenchy aproveita ta prebar de violar a Elizabeth, pero l'impide Frail, qui se veye obligau a disparar contra Frenchy, matando-lo, y Grubb incita a un linchamiento contra Frail, que nomás puet qvitar que Elizabeth, ufrindo lo suyo terreno con l'oro.

A cinta s'ambienta en bel momento indeterminau d'o sieglo XIX en Montana; y las suyas escenas se filmmoron en Goose Prairie, Nile y Yakima (Washington). Localizacions de The Hanging Tree, en Internet Movie Database.

The Hanging Tree ye une cinta que ha recibiu bels premios y nominacions, en destacando una nominación a lo Premio Oscar a la Millor Canción Orichinal en 1960 mientres a 32ena edición d'os Premios Oscar.

Elenco The Hanging Tree en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1959. Cintas de 1959.

Referencias

Vinclos externos

The Hanging Tree en Internet Movie Database. The Hanging Tree en l'American Film Institute Catalog de l'American Film Institute''. The Hanging Tree en Rotten Tomatoes.

Categoría:Cintas ambientadas en Montana Categoría:Cintas ambientadas en o sieglo XIX Categoría:Cintas con aduya de dirección de Russell Llewellyn Categoría:Cintas con banda sonora orichinal de Jerry Livingston Categoría:Cintas con banda sonora orichinal de Max Steiner Categoría:Cintas con dirección artística de Daniel B. Cathcart Categoría:Cintas con dirección de fotografía de Ted D. McCord Categoría:Cintas con disenyo de vestuario de Marjorie Best Categoría:Cintas con escenografía de Frank M. Miller Categoría:Cintas con guión de Halsted Welles Categoría:Cintas con guión de Wendell Mayes Categoría:Cintas con maquillache de Gordon Bau Categoría:Cintas con maquillache de Henry Vilardo Categoría:Cintas con maquillache de Lou LaCava Categoría:Cintas con maquillache de Ray Romero Categoría:Cintas con montache d'Owen Marks Categoría:Cintas con peluquería d'Alma Johnson Categoría:Cintas con peluquería de Marion Vaughn Categoría:Cintas con soniu de Stanley Jones Categoría:Cintas de western Categoría:Cintas d'Estaus Unius Categoría:Cintas dirichidas por Delmer Daves Categoría:Cintas d'a productora Baroda Productions Categoría:Cintas en anglés Categoría:Cintas en Technicolor Categoría:Cintas interpretadas por Ben Piazza Categoría:Cintas interpretadas por Gary Cooper Categoría:Cintas interpretadas por George C. Scott Categoría:Cintas interpretadas por John Dierkes Categoría:Cintas interpretadas por Karl Malden Categoría:Cintas interpretadas por Karl Swenson Categoría:Cintas interpretadas por King Donovan Categoría:Cintas interpretadas por Maria Schell Categoría:Cintas interpretadas por Virginia Gregg Categoría:Cintas producidas por Martin Jurow Categoría:Cintas producidas por Richard Shepherd Categoría:Cintas rodadas en Goose Prairie Categoría:Cintas rodadas en Nile (Washington) Categoría:Cintas rodadas en Yakima