A hierba d'as cequias () ye una especie vechetal d'o chenero Valeriana y d'a familia Caprifoliaceae.
Descripción Hierba perenne, monocaule, no estolonifera, con rizoma grueso, simple. Tallos de dica 215 cm, erectos, por lo cheneral simples, fistulosos, densament pelosos en os nyudos. Fuellas pecioladas, pelosas en os niérvols y peciolo; as basals y caulinars inferiors con peciolo de (100)120-250(400) mm y limbo de (50)65-180(220) × (60)70-200(250) mm, ovau, cordiforme u orbicular, crenau o sarrau –en ocasions doblement sarrau o subentero–; as caulinars meyas y superiors indivisas u, menos frecuentment, trisectas u pinnatisectas, subsesils u con peciolo de (3)5-35(60) mm, y limbo –u segmento terminal– de (60)80-130(180) × (25)40-100(120) mm, ovau, lanceolau u lanceolauacuminau, crenau u sarrau, a vegadas con 1(2) pars de segmentos laterals de (20)30-60(70) × (4)10-30(35) mm, acuminaus. Inflorescencia corimbiforme, con bractias lanceoladas u linear-lanceoladas, enteras u sarradas, y bracteolas linears o setacias, enteras, ciliadas enta a base. Flors hermafroditas. Corola (3)4-5,5 mm, rosada, glabra por l'exterior; tubo con chiba de 0,1-0,2 mm, peloso en o suyo interior; limbo con lobulo superior de (1,2)1,5-2,5 mm, a resta de (0,8)1,2-1,7(2,2) mm. Anteras 0,8-1,2(1,5) mm. Aquenio (3)3,5-5(5,5) mm, oblongo u linear-oblongo, de sección semicircular, glabro, con costiellas laterals d'a cara posterior una mica arquiadas a o menos enta a base. Bolombán con tubo de 0,1-0,7 mm, acopau, membranacio, y 11-16 setas de (3,5)5-7,7 mm, caedizo. Valeriana pyrenaica en Flora Vascular
Distribución y habitat Se troba en comunidaz megaforbicas amanadas a torrents y cursos d'augua, en fabars, abetars, caixicars y pinars muit humidos, en tot tipo de soleros; a una altaria de 50-1500(2000) metros, en o norte d'a peninsula Iberica y sud de Francia; subespontania en as islas Britanicas. Se troba en a Cordelera Cantabrica, Pireneus y N d'o Sistema Iberico.
Referencias
Pyrenaica Categoría:Flora d'Espanya Categoría:Flora de Francia Categoría:Flora d'os Pireneus