O grixolera de ralla u rosillera de tenyir () ye una especie de planta d'o chenero Ribes y d'a familia Grossulariaceae.
Descripción Ye un arbusto sin d'espinas, que puet plegar dica os 3 m d'altaria. Fuellas grans (de 5 a 10 cm d'amplaria), con o peciolo tan luengo como o limbo u mas, lobuladas, con os lobulos agudos y dentaus. A floración se produce entre abril y chunio. Flors hermafroditas, campanuladas, de color royenco, dispuestas en carrazos de dica 30 flors, con a parti inferior de l'eixe d'a inflorescencia mas u menos erecto y l'extremo superior penchau. Corola con 5 petalos chicoz amagaus adintro d'o cáliz. Cáliz campanulau, con os sépals en forma d'espatula, erectos y con cilios, soldaus por a base. O fruito, comestible, ye una baya globulosa d'un royo fosco, de taste un poco amargo y aceto. As bayas se reunen en carrazos penchaus. Pascual, Ramon, 1999. Guia dels arbustos dels Països Catalans. Editorial Pòrtic, Natura. Barcelona. . Pach. 42-43. Se pareixe muito a la rosillera (Ribes rubrum) cautivada en gran parti d'Europa (tien, como aquella, as fuellas lobuladas y os fruitos de color roya, comestibles; pero as flors son royencas -y no pas sorencas- y o pedunclo que levan as flors ye arquiau u penchant nomás en l'ápex). L'Alta muntanya catalana: flora i vegetació. Josep Vigo i Bonada, 2008-2009. Institut d'Estudis Catalans y Centre Excursionista de Catalunya. 2a ed. revisada. . Pach. 103.
Habitat y distribución cheografica Ye propia d'as calveras d'abetoches, pinar de pin negro y fabars. Tamién se puet trobar en hierbazals megaforbicos, puestos rocallosos humidos y atros endrechos frescals de montanya.Herbari Virtual del Mediterrani Occidental Ye present en Austria, Bulgaria, Republica Checa, Eslovaquia, Francia, Alemanya, Suiza, Espanya (os Pireneus entre os 1.300 y os 2.200 metros, a Cordelera Cantabrica y belas arias d'o Sistema Iberico -o Moncayo y l'ueste de Tierra de Cameros, entre d'atras-), Páginas de Información Ambiental. núm. 13 - Gubierno de La Rioja Hongría, Italia, os Balcans, Polonia, Rumanía, Ucraína, Turquía (Anatolia), Alcheria, Siberia, Mongolia, o Caucas y Irán (l'Azerbaichán Iraní). Catalogue of Life
Referencias
Petraeum Categoría:Flora d'os Pireneus Categoría:Flora d'Alcheria Categoría:Flora d'Alemanya Categoría:Flora d'Aragón Categoría:Flora d'Austria Categoría:Flora de Bulgaria Categoría:Flora d'Eslovaquia Categoría:Flora d'Espanya Categoría:Flora de Francia Categoría:Flora d'Hongría Categoría:Flora d'Italia Categoría:Flora d'Irán Categoría:Flora de Mongolia Categoría:Flora de Polonia Categoría:Flora d'a Republica Checa Categoría:Flora de Rumanía Categoría:Flora de Rusia Categoría:Flora de Suiza Categoría:Flora de Turquía Categoría:Flora d'Ucraína