L'anayonera de puerto u gabuixón (), tamién dita buixeta rastrera, ye una especie d'arbusto d'o chenero Vaccinium y d'a familia Ericaceae.
Descripción Chicot arbusto caducifolio, de 20 a 60 cm d'altaria de color verde glauco. Tallo de sección circular de color marrón. As fuellas son obovadas, enteras y de color verde azulau, d'1 a 2 cm, rasgos que le diferencian de l'anayonera, tamién son caducas.
Floreixe entre os meses de mayo y chulio. As flors son urceoladas (en forma d'olla), blancas u rosadas, agrupadas en racemos.
O fruito maduro ye una baya de color azul fosca, de 6 a 8 mm, cuasi negra no tan redondiau como l'anayón, que puet recullir-se en o mes d'agosto. O fruito ye comestible, si bien en cierta cantidat puet estar toxico.
Distribución y habitat Se troba practicament en tot l'hemisferio norte, dende America d'o Norte dica Mongolia, China y Chapón, pasando por o Caucas y Europa septentrional. En l'Arctico vive practicament a livel d'a mar, pero a mida que apareixe en latituz mas baixas va puyando por as montanyas: en a cordelera d'os Pireneus gosa vivir por dencima d'os 2.000 m. Banc de dades de biodiversitat de Catalunya
Nombres Se diz gabuixón en Pandicosa y Sallent de Galligo.
Referencias
Uliginosum Categoría:Flora d'America Categoría:Flora d'Asia Categoría:Flora d'Europa Categoría:Flora d'os Pireneus