Iste articlo ye sobre una cinta de drama de cine negro estausunidense estrenada en 1940; ta atros usos, se veiga The Letter.

The Letter (títol orichinal en anglés, en aragonés A carta, estrenada en Aragón con o suyo títol traduciu enta lo castellano como La carta) ye una cinta de cine de drama de cine negro de cine estausunidense dirichida por William Wyler seguntes un guión adaptau por Howard E. Koch (basau en The Letter, una obra teatral de W. Somerset Maugham publicada en 1927), con una banda sonora orichinal de Max Steiner, una dirección de fotografía de Tony Gaudio y una producción cinematografica de Hal B. Wallis ta la productora cinematografica Warner Bros.. Conta con un elenco d'o cual en fan parte Bette Davis, Herbert Marshall, James Stephenson, Frieda Inescort, Gale Sondergaard, Bruce Lester, Elizabeth Earl, Cecil Kellaway, Sen Yung, Doris Lloyd, Willie Fung y Tetsu Komai, entre d'atros actors.

Leslie Crosbie ye la muller de l'administrador d'una plantación de xiringa ta obtener caucho en Malaisia, y ha asasinau a tiros a Geoffrey Hammond, un prominent britanico d'a redolada. Demana a la suya criada que clame a su mariu Robert Crosbie y a l'oficial de districto. Crosbie torna enta la casa acompanyau de Howard Joyce, un amigo intimo y avogau d'a familia. Leslie afirma haber matau a Hammond ta defender a suya virtut que iste atacaba, pero la zarran preventivament en a garchola en Singapur acusada d'asasinato. Ong Chi Seng, o secretario chinés de Joyce, li diz que existe una carta que Leslie ninvió enta Hammond ta demanar-li que acudise a la suya casa lo día de l'asasinato aproveitando l'ausencia de Robert. O secretario informa de que la carta se troba en mans d'a viuda de Hammond, una muller euroasiatica, y li amuestra lo suyo conteniu, que evidencia que Leslie y Hammond yeran amants, indicando un pre exorbitant por a carta. Leslie en primeras niega a Joyce que ella sía l'autora d'a carta, pero a la fin lo reconoix y li demana que la compre, encara que ixo ye un gran risque ta la carrera de l'avogau en estar una manipulación d'as prebas en un chudicio por asasinato. Joyce charra con Robert, encara que no li diz ni lo conteniu real d'a carta ni lo suyo pre, que suposa los estalbios totals de Robert. A la fin se compra la carta y Leslie ye declarada inocent. O problema ye que bien luego Robert quiere comprar una plantación en propiedat en Sumatra ta lo cual amenista los diners que creye que encara poseye, amás d'una hipoteca ta cubrir a totalidat d'o pre de compra, y ixo fa que conoixca a la fin a realidat d'a carta. D'atra man, Leslie troba en a suya cambra una daga que evidencia una menaza d'a viuda de Hammont, porque la reconoix como una daga que se trobaba en o puesto a on mercó la carta.

A cinta s'ambienta en os anyos 1920 en Malaisia y Singapur; y las suyas escenas se filmoron en os Warner Brothers Burbank Studios en Burbank (California). Localizacions de The Letter, en Internet Movie Database.

The Letter ye una cinta que ha recibiu bels premios y nominacions, en destacando siet nominacions a los Premios Oscar (Millor Cinta, Millor Director, Millor Actriz, Millor Actor Segundario, Millor Fotografía en Blanco y Negro, Millor Montache y Millor Banda Sonora Orichinal) en 1941 mientres a 13ena edición de ditos premios.

Elenco The Letter en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1940. Cintas de 1940.

Referencias

Vinclos externos

The Letter en Internet Movie Database. The Letter en l'American Film Institute Catalog de l'American Film Institute''.

Categoría:Cintas ambientadas en Malaisia Categoría:Cintas ambientadas en Singapur Categoría:Cintas ambientadas en os anyos 1920 Categoría:Cintas con aduya de dirección de Chuck Hansen Categoría:Cintas con aduya de dirección de Sherry Shourds Categoría:Cintas con banda sonora orichinal de Max Steiner Categoría:Cintas con dirección artística de Carl Jules Weyl Categoría:Cintas con dirección de fotografía de Tony Gaudio Categoría:Cintas con disenyo de vestuario d'Orry-Kelly Categoría:Cintas con guión de Howard E. Koch Categoría:Cintas con maquillache de Gordon Bau Categoría:Cintas con maquillache de Perc Westmore Categoría:Cintas con montache de George Amy Categoría:Cintas con montache de Warren Low Categoría:Cintas con soniu de Dolph Thomas Categoría:Cintas de cine de drama Categoría:Cintas de cine negro Categoría:Cintas d'Estaus Unius Categoría:Cintas dirichidas por William Wyler Categoría:Cintas d'a productora Warner Bros. Categoría:Cintas en anglés Categoría:Cintas en cantonés Categoría:Cintas en blanco y negro Categoría:Cintas interpretadas por Bette Davis Categoría:Cintas interpretadas por Bruce Lester Categoría:Cintas interpretadas por Cecil Kellaway Categoría:Cintas interpretadas por Doris Lloyd Categoría:Cintas interpretadas por Elizabeth Earl Categoría:Cintas interpretadas por Frieda Inescort Categoría:Cintas interpretadas por Gale Sondergaard Categoría:Cintas interpretadas por Herbert Marshall Categoría:Cintas interpretadas por James Stephenson Categoría:Cintas interpretadas por Sen Yung Categoría:Cintas interpretadas por Tetsu Komai Categoría:Cintas interpretadas por Willie Fung Categoría:Cintas producidas por Hal B. Wallis Categoría:Cintas rodadas en Burbank Categoría:Cintas rodadas en os Warner Brothers Burbank Studios Categoría:Nominadas a lo Premio Oscar a la Millor Cinta