Miquel Valdés i Padró, naixiu de Barcelona, lo 13 d'octubre de 1867 y muerto tamién en Barcelona lo 5 de mayo de 1951, estió un poliesportista y empresario, fundador y propietario de Lotería Valdés, considerada una d'as administraciones de loterías más emblematicas y populars de Barcelona, amás d'un pionero d'o esporte espanyol, que destacó como atleta y futbolista, estando tamién directivo d'o Futbol Club Barcelona.
Trayectoria esportiva Valdés, como muitos d'os esportistas amateurs de finals d'o sieglo XIX, practicó multitut d'esportes; entre éls, lo fútbol, lo remo, la chimnasia atletica en a especialidat de devantamiento de peso y l'atletismo.
La suya relación con o futbol s'encetó en 1899 en o FC Català, club d'o cual estió un d'os impulsors y tresorero, pero luego se marchó a unatro club recientment fundau, lo FC Barcelona, en o cual lo suyo primer partiu con a camiseta azulgrana estió lo segundo d'a historia d'o club, lo 24 d'aviento de 1899, en una victoria per 3-1 frent a lo suyo antigo club lo FC Català. Con FC Barcelona en l'anyo 1902 se proclamó campeón d'a Copa Macaya, primer títol oficial d'o club y un prestichioso trofeu en a epoca.
Dende a suya incorporación estió muito implicau en a entidat, estando miembro d'a chunta directiva como tresorero y l'encargau d'acondicionar los terrenos de chuego. La trastienda d'o suyo local se convirtió en almacén de material esportivo d'o club y en punto de trobada y tertulia d'os socios. Manimenos, discrepancias con os suyos companyers le levoron a deixar lo FC Barcelona en 1902 pa recalar en o Hispania AC, equipo que se disolvió un anyo dimpués. Posteriorment estió mecenas d'a Unió Atlètica d'Horta, club an siguió chugando ocasionalment dica os 50 anyos. En 1931 tornó como directivo a lo FC Barcelona, asumindo la vicepresidencia.
Antiparte d'o fútbol i heba practicau cuantos esportes, entre éls l'atletismo án ganó cuantas prebas atleticas. Lo día 18 de noviembre de 1900 a Barcelona estió lo primer atleta espanyol que estió cronometrau en a distancia de 100 metros lisos, aconseguindo una marca de 12 segundos, establindo lo primer récord d'Espanya de 100 metros lisos.
Trachectoria empresarial L'anyo 1905 fundó la administración de Loteria, Lotería Valdés situada a la Rambla de Barcelona numero 95, conviertiendo-se en una d'as administracions de lotería mas populars d'o país, repartindo boletos d'o premio gordo de nadal dica en seis ocasions dica l'actualidat (2025). Las 10 administraciones que más Gordos ha vendido de Lotería de Navidad. En l'actualidat lo establimiento contina rechentau per los suyos hereders.
Referencias
Vinclos externos
<center>
Categoría:Naixius de Barcelona Categoría:Muertos en Barcelona Categoría:Velocistas de Catalunya Categoría:1867 (naixencias) Categoría:1951 (muertes) Categoría:Futbolistas d'o FC Barcelona Categoría:Atletas d'o FC Barcelona