A sonorización dezaga de liquida en aragonés se produce cuan as consonants xordas que van dezaga liquida (N, R, L) sonorizan. Bel autor considera que tiene relación con o mesmo fenomeno fonetico que se troba en palabras bascas d'orichen latino.
As sonoras que van dezaga liquida N, R, s'enxorden sobre tot en o sector de Torla-Broto-Vio-A Solana-Tena:
Grupo -MP- > -mb- Cambo en Panticosa, Torla, Oto, Broto, Buesa, Fanlo, Buisán, Yosa. Tramba en Torla. Embolla: ampolla.
Grupo -NT- > -nd- Planda y Punda en Vió y Panticosa. Candal, sendir, fuande, puande, undar, nomás que en Vio.
Grupo -NK- > -ng- Blango, bango, chungo. Barrango, palanga, cingüenda (en panticuto). Trango, BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. tranga, BADIA i MARGARIT, Antoni. El Habla del Valle de Bielsa. Aladrada Ediciones. Zaragoza, 2015. MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. trongo. QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions. Zaragoza, 2007.
Grupo -LT- > -ld- Aldo, buldorín, saldo,
Grupo -RT- > -rd- Suarde, sangardana, xordica (y a variant chordica, con cheada).
Grupo -LP- > -lb- Tauba (de Talpa, en Sallent de Galligo).
Grupo -RK- > -rg- Forgancha.
Relacions con atras zonas Este fenomeno ye caracteristico huei de l'aragonés central, y se crei que tien relación con o substrato basco-aquitano que estió present en l'alta Edat Meya, y fácil que dende o sieglo II aC.
(latín) MONTIS > (basco) mendi (latín) JUNCUS > (aragonés central) chungo
Se troba en palabras bascas d'orichen latín: abendua (aviento), mendi (mont). Como se troba en basco y en aragonés central ye lochico pensar que se produciba en aragonés occidental, y de feito n'i trobamos repuis: espelunga. Tamién bi n'ha restos en o Semontano y mesmo en Selgua (chungareta).
En textos latinos medievals con elementos romances mos trobamos Boldagna pronunciau /Boldanya/, Ordolés, Andregoto (antroponimo Entregoto), Cinga ("Cinca"), esplunga, frangas, rangura, palanga, frangum, zangato.
Os restos que'n trobamos en o Baixo Aragón (jungo/chungo, bringo, forgacha), pueden estar producto d'a repoblación con sobrarbeses. Ye curioso o nombre de l'ave esteparia algaraván en a Ribera Baixa d'Ebro, o cual puet tener atras explicacions (C > G como en guchiello, gayata) y dimpués adición d'articlo arabe al.
Referencias
Bibliografía Anchel Conte et al. El aragonés: identidad y problemática de una lengua. Colección Aragón. Librería general. Chabier Tomás Arias. El aragonés del biello Sobrarbe. Instituto de Estudios Altoaragoneses, 1999.
Categoría:Leis foneticas Categoría:Aragonés central