Viggo Peter Mortensen Jr., naixiu de Nueva York (Nueva York, Estaus Unius) o 20 d'octubre de 1958, ye un actor, director cinematografico, guionista, productor cinematografico y compositor estausunidense (encara que poseye tamién as nacionalidaz canadiense y danesa), activo en o cine estausunidense dende meyaus d'os anyos 1980 y que ha recibiu cuantismos premios y nominacions mientres a suya carrera cinematografica.
D'entre la suya destacada carrera como actor, se pueden mencionar bellas cintas a on i ha treballau, como Leatherface: The Texas Chainsaw Massacre III (1990, Jeff Burr), Carlito's Way (1993, Brian De Palma), American Yakuza (1993, Frank Cappello), Crimson Tide (1995, Tony Scott), G.I. Jane (1997, Ridley Scott), A Perfect Murder (1998, Andrew Davis), Psycho (1998, Gus Van Sant), The Lord of the Rings: The Fellowship of the Ring (2001, Peter Jackson), The Lord of the Rings: The Two Towers (2002, Peter Jackson), The Lord of the Rings: The Return of the King (2003, Peter Jackson), Hidalgo (2004, Joe Johnston), Alatriste (2006, Agustín Díaz Yanes), Eastern Promises (2007, David Cronenberg), Appaloosa (2008, Ed Harris), Captain Fantastic (2016, Matt Ross), Crimes of the Future (2022, David Cronenberg), u The Dead Don't Hurt (2023, Viggo Mortensen).
Premios Premios Oscar Viggo Mortensen ha recibiu tres nominacions a lo Premio Oscar a lo Millor Actor: en 2008 mientres a 80ena edición d'os Premios Oscar por o suyo papel como "Nikolai Luzhin" en a cinta Eastern Promises, que heba dirichiu David Cronenberg; en 2017 mientres a 89ena edición d'os premios por a suya interpretación de "Ben Cash" en a cinta Captain Fantastic, dirichida por Matt Ross; y en 2019 en a 91ena edición d'os Oscars por o suyo papel de "Tony Lip" en Green Book, dirichida por Peter Farrelly; .
Premios BAFTA Tamién ha estau nominau tres vegadas a lo Premio BAFTA a lo Millor Actor, exactament os mesmos anyos y por os mesmos papels en as mesmas cintas por as que estió nominau a l'Oscar a lo Millor Actor: en 2008 en a 61ena edición d'os Premios BAFTA por Eastern Promises; en 2017 en a suya 70ena edición por Captain Fantastic; y en 2019 en a 72ena edición por Green Book.
Premios Globos d'Oro A los Premios Globos d'Oro ha estau nominau cuatre vegadas, en tres categorías diferents: a lo Premio Globo d'Oro a lo Millor Actor Dramatico en 2008 mientres a 65ena edición por Eastern Promises y en 2017 en a 74ena edición por Captain Fantastic; a lo Premio Globo d'Oro a lo Millor Actor Segundario en 2012 en a 69ena edición por a suya interpretación de "Sigmund Freud" en a cinta A Dangerous Method, dirichida por David Cronenberg; y en 2019 a lo Premio Globo d'Oro a lo Millor Actor de Musical u Comedia mientres a 76ena edición por Green Book.
Premios Goya Recibió d'atra man una nominación a lo Premio Goya a lo Millor Actor en 2007, en a 21ena edición d'os Premios Goya, por o papel de "Diego Alatriste" en a cinta Alatriste, dirichida por Agustín Díaz Yanes.
Filmografía Viggo Mortensen en Internet Movie Database. Cintas Anyo Títol d'a cinta Director Banda sonora Elenco Atros [ ''''] en Internet Movie Database.
Series de televisión Serie Anyo Episodio Director Elenco Atros<ref> [ ''] en Internet Movie Database.</ref> | | '' [ ''''] en Internet Movie Database.
Referencias
Se veiga tamién Cintas interpretadas por Viggo Mortensen.
Vinclos externos
Viggo Mortensen en Internet Movie Database. Viggo Mortensen en Rotten Tomatoes.
Categoría:Actors d'Estaus Unius Categoría:Compositors de bandas sonoras d'Estaus Unius Categoría:Directors cinematograficos d'Estaus Unius Categoría:Escritors en anglés Categoría:Guionistas d'Estaus Unius Categoría:Naixius de Nueva York Categoría:Nominaus a lo Premio BAFTA a lo Millor Actor Categoría:Nominaus a lo Premio Globo d'Oro a lo Millor Actor de Musical u Comedia Categoría:Nominaus a lo Premio Globo d'Oro a lo Millor Actor Dramatico Categoría:Nominaus a lo Premio Globo d'Oro a lo Millor Actor Segundario Categoría:Nominaus a lo Premio Goya a lo Millor Actor Categoría:Nominaus a lo Premio Oscar a lo Millor Actor Categoría:Productors cinematograficos d'Estaus Unius Categoría:1958 (naixencias)