O Museu Aragonés de Paleontolochía ye un museu paleontolochico situau en a ciudat de Teruel, Aragón. Fue creyau en febrero de 2004 por o Departamento d'Educación, Cultura y Esporte d'o Gubierno d'Aragón como Museu Fundación Conjunto Paleontológico de Teruel. S'integra en a seu prencipal de Dinópolis y ye chestionau por a Fundación Conjunto Paleontológico de Teruel-Dinópolis. Museo Aragonés de Paleontología. Gubierno d'Aragón. Museo Aragonés de Paleontología. Fundación Conjunto Paleontológico de Teruel-Dinópolis.
Historia Os antecedents d'o museu son vinculaus a o prochecto Dinópolis y a la creyación, en 1998, d'a Fundación Conjunto Paleontológico de Teruel-Dinópolis, empentada por o Gubierno d'Aragón pa desarrollar fainas d'investigación, conservación y difusión paleontolochica. Museo Aragonés de Paleontología (Fundación Conjunto Paleontológico de Teruel-Dinópolis). Luis Alcalá. ICOM CE Digital, 13. 2016. Pach. 175-189.
A ubertura de Dinópolis en 2001 incorporó un recorriu expositivo con fósils y replicas, que fue reconoixiu oficialment como museu en febrero de 2004.
Colecciones y exposición O museo conserva eixemplars fósils y reproduccions de plantas, invertebraus y vertebraus. Os suyos fundos proceden, entre atras vías, de depositos d'o Gubierno d'Aragón a traviés d'a Dirección Cheneral de Patrimonio Cultural, d'o Museu de Teruel y d'o Museu Nacional de Ciencias Naturals, amás de donacions como a colección Adrover.
As coleccions se configuroron en primerías con criterios museolochicos pa constituyir o recorriu expositivo de Dinópolis, encara que posteriorment s'han enamplau con materials procedents de prochectos d'investigación y d'atros depositos institucionals.
O suyo recorriu expositivo permanent s'articula en cuatre salas —Mundo acuatico, Dinosauros, Extinción y Mamiferos— y incluye fósils, escletos orichinals y replicas de gran formato de reptils marins, reptils voladors, dinosauros y mamíferos. Museu paleontolochico. Dinópolis.
Seu y organización A seu prencipal se troba en a ciudat de Teruel y s'integra en a ufierta expositiva de Dinópolis-Teruel. O recorriu presenta eixemplars orichinals y replicas de distintos grupos fósils a traviés d'una secuencia vinculada a o tiempo cheolochico.
O Directorio de Museus d'Espanya identifica o centro de Teruel como museu matriz y reculle como seus asociadas Bosque Pétreo, Inhóspitak, Legendark, Mar Nummus, Región Ambarina, Titania y Valcaria. Directorio de Museus d'Espanya: Museu Aragonés de Paleontolochía. Ministerio de Cultura.
Galería
Referencias
Se veiga tamién Dinópolis
Vinclos externos Museu Aragonés de Paleontolochía en Cultura d'Aragón. Pachina oficial.
Categoría:Dinópolis Paleontolochia