Meritxell ye un lugar d'a parroquia de Canillo, en o Prencipau d'Andorra. Meritxell en Gran Enciclopedia Catalana. En iste lugar se troba o santuario nacional d'os andorranos, o santuario de Meritxell. En l'anyo 2009 teneba 66 habitants. Población por lugar. Departamento d'Estatistica d'Andorra.
Cheografia O lugar de Meritxell ye a o sud-ueste d'a parroquia de Canillo, en a marguin ezquierda d'a Valira d'Orient Mapa « Muntanyes d'Andorra » - Mapa d'as montanyas andorranas editau por o Gubierno d'Andorra y a una altaria de 1.450 metros sobre o livel d'a mar. Se i puet acceder por a carretera CS-230, a cual sale d'a CG-2 antis de plegar ta o lugar, entre Encamp y Canillo.Google Maps Meritxell ye a 4 kilometros de distancia d'Encamp; a 3 de Canillo, a capital de parroquia; y a 10 d'Andorra la Vella, a capital nacional. O lugar de Prats se troba a menos d'un kilometro de distancia a piet enta o norte.
Respecto a o clima, seguntes os rechistros entre os anyos 1981 y 2010, a temperatura minima meya anyal yera de 3 graus centigrados, estando chinero y febrero os meses mas fredos con una meya de 3,11 graus baixo zero y chulio o menos fredo, con 10,4°C. A temperatura meya anyal en Meritxell yera de 7,9°C, estando chinero o mes mas fredo (0,8°C) y chulio o mas calido (16,7°C). A temperatura maxima meya anyal yera de 12,5°C, estando chulio o mes con maximas mas altas (21,9°C) y chinero mas baixas (4,8°C). D'atra man, a meya anyal de precipitacions ye de 944,1 milimetros, estando mayo o mes mas humido (104,1 mm) y febrero o mas ixuto (38,4 mm). Atlas Climàtic Digital d'Andorra
Toponimia Seguntes o filologo Joan Coromines, o nombre "Meritxell" ye un diminutivo de merig, d'o latín meridiem, meyodía, que ye un termin emplegau por os pastors pa nombrar un pastizal de cara a o sol. Descobreix Catalunya: visita al Santuari de Meritxell
Historia En 1875, a población estimada de Meritxell yera de vinte habitants. Études géographiques sur la vallée d'Andorre. Jean-François Bladé. J. Baer, 1875. Pach. 97.
O santuario viello desapareixió totalment en un incendio mientres a nueit d'o 8 a o 9 de setiembre de 1972, dimpués d'un d'os aplegos que se fan en o santuario. Yera un edificio d'o sieglo XVI d'origen romanico, a on se podeba trobar l'antiga imachen d'a patrona d'Andorra, una talla romanica d'o sieglo XII que tamién fue destruyida en l'incendio. A imachen actual s'ha refeito lo mas fidelment posible y se troba en o nuevo santuario de Meritxell, construyiu entre os anyos 1975 y 1976.
Referencias
Categoría:Localidaz d'Andorra