miniaturadeimagen| Se conoix con o nombre de Dreito foral u especial a los diferfents ordenamientos churidicos civils locals u propios d'una comunidat autonoma d'Espanya. Coexiste con o Dreito común estatal, que s'aplica supletoriament.
Poseyen bel Dreito foral nomás que 6 d'as 17 comunidaz autonomas: Aragón, Balears (encara que tiengan bella particularidat entre islas), Catalunya, Galicia, Navarra y lo País Basco (con particularidaz seguntes o territorio). Amás, ye vichent lo clamau Fuero de Baylío, que s'aplica en bella localidat extremenya fendo muga con Portugal y en a ciudat autonoma de Ceuta (que antigament estió una ciudat portuguesa). Lo País Valenciano, encara que heba teniu Dreito foral propio, actualment no poseye garra regulamentación en vigor a este respecto.
As especialidaz forals d'as actuals comunidaz de Navarra y País Basco son as unicas que encara en l'actualidat disposan de sistemas forals en Espanya y engloban dreitos propios que van dillá d'a mera lechislación civil.
Estes dreitos naixen (cheneralment) en as cartas de poblacón atorgadas por os reis y sinyors d'a peninsula Iberica en fundar poblacions en a Edat Meya. Las cartas teneban como obchectivo principal ordenar o territorio y regulaban as condicions churidicas de l'asentamiento y las relacions entre los pobladors y lo sinyor d'a tierra, constituyindo la primera manifestación d'una lei local. Con o creiximiento d'as localidaz y l'augmento d'as relacions entre ellas, as cartas de poblacion s'unificoron en normas churidicas comuns, que s'establiban en forma de fueros, un estatuto churidico aplicable a un territorio. Con tot y con ixo, la fuent d'o Dreito tamién puet estar d'orichen consuetudinaria, como ye lo caso de Galicia.
Se veiga tamién Dreito foral d'Aragón. Dreito foral d'as Islas Balears. Dreito foral de Catalunya. Dreito foral de Galicia. Dreito foral de Navarra. Dreito foral d'o País Basco. Dreito foral d'o País Valenciano.
*