Iste articlo ye sobre una cinta anglo-estausunidense de cine de drama estrenada en 1993; ta atros usos, se veiga The Remains of the Day.

The Remains of the Day (títol orichinal en anglés, en aragonés Ixo que queda d'o día, estrenada en Aragón con o suyo títol traduciu enta lo castellano como Lo que queda del día) ye una cinta de cine de drama coproducida por o cine britanico y lo cine estausunidense estrenada l'anyo 1993, dirichida por James Ivory seguntes un guión adaptau por Ruth Prawer Jhabvala y Harold Pinter (basau en a novela The Remains of the Day, que heba publicau Kazuo Ishiguro l'anyo 1989), con una banda sonora orichinal a lo cudiau de Richard Robbins, una dirección de fotografía de Tony Pierce-Roberts, una producción cinematografica d'Ismail Merchant, Mike Nichols y John Calley ta la productora cinematografica Merchant Ivory Productions y un elenco formau por Anthony Hopkins, Emma Thompson, James Fox, Christopher Reeve, Peter Vaughan, Hugh Grant, Tim Pigott-Smith, John Haycraft, Paul Copley, Michael Lonsdale, Brigitte Kahn, Jeffry Wickham, Paula Jacobs, Ben Chaplin, Rupert Vansittart, Patrick Godfrey, Peter Halliday, Peter Cellier, Pip Torrens, Frank Shelley, Peter Eyre, Wolf Kahler, Lena Headey y John Savident, entre d'atros actors.

En 1958, Stevens, o mayordomo de Darlington Hall, recibe una carta de l'antiga sinyorita Kenton, hue casada como sinyora Benn, qui heba estau a casera de Darlington Hall. Stevens contina estando lo mayordomo d'ixa mansión, que hue ye propiedat de l'estausunidense Jack Lewis y que mientres os anyos 1930 perteneixeba a lo conte de Darlington, que quedó desprestichiau y denigrau por o suyo refirme a lo Tercer Reich y a lo nazismo en os momentos immediatament anteriors a la Segunda Guerra Mundial. Dimpués de recibir a carta, Stevens marcha enta Cornualla ta trobar-se con a sinyora Benn, que fa vinte anyadas que no veye. Mientres o viache remera la situación que vivió cuan él yera un perfecto eixemplo d'o tradicional mayordombre britanico d'una gran mansión, conservador y eficient, a la vegada que la sinyorita Kenton yera una choven tamién eficient pero muito mas vital y con mas calideza en as relacions socials. As diferencias entre toz dos yeran constants y augmentoron cuan o pai de Stevens, un hombre d'edat abanzada y con problemas, dentró a treballar en a mansión. De feito, mientres que su pai moriba cudiau por a sinyorita Kenton, Stevens amostraba la suya profesionalidat en estar pendient de raso con os asistents d'una important reunión politica organizada por o conte de Darlington, con asistencia de destacaus miembros de l'aristocracia britanica y europea simpatizants d'o nazismo y d'o faixismo, encara que tamién i asistiba lo politico estausunidense Lewis (o mesmo que anyos dimpués compró la mansión), qui advierte a los atros asistents de que s'amana una esferra bien gran como consecuencia d'as suyas actividaz, encara que éls mesmos no en sían conscients. Amás, ta cumplir con as leis racials alemanas, Darlington fa que Stevens lis de palleta a dos mesachas chudievas alemanas refuchiadas, en contra d'a opinión d'a sinyorita Kenton, que menaza con dimitir. A sinyorita Kenton amuestra clarament o suyo intrés sentimental por Stevens, pero iste se mantien bien distant, dica que a la fin Kenton accepta una oferta de matrimonio y marcha luent con o suyo esposo, enta Cornualla. Reginald Cardinal, o fillau de Darlington, ye un periodista que apareixe de rapiconte cuan se celebra en a mansión una reunión secreta entre Neville Chamberlain, o primer ministro d'o Reino Uniu, y Joachim von Ribbentrop, embaixador d'o Tercer Reich, a on s'alcuerdan cesions a las peticions alemanas ta prebar d'evitar a guerra. Reginald advierte a Stevens d'os periglos d'ixas cesions y sobre lo feito que los nazis son aproveitando-se d'a inchenuidat politica de Darlington, pero Stevens li respon que no ye la suya función de chuzgar a lo suyo amo. Cuan a la fin Stevens troba a la sinyora Benn, ista s'ha deseparau d'o suyo mariu y tiene una filla, y se conoix que Reginald morió en a guerra, que Darlington perdió la suya reputación y que morió poco dimpués. Stevens demana a la sinyora Benn que torne a treballar en Darlington Hall con él, pero la muller li respon que prefiere de continar amán d'a suya filla, que ye embarazada, sin que Stevens sía capable a la fin de confesar-li los suyos propios sentimientos, que fácil que sía lo solo que aspera la sinyora Benn.

A cinta s'ambienta en Cornualla y atros puestos d'Anglaterra en 1935, 1936 y 1958; y las suyas escenas se filmoron en Badminton House en Badminton y Dyrham (Gloucestershire), Kenton (Devon), Corsham Court en Corsham y Limpley Stoke (Wiltshire) y Bath, Clevedon, Norton St Philip y Weston-super-Mare (Somerset) en o Reino Uniu. Localizacions de The Remains of the Day, en Internet Movie Database.

The Remains of the Day ye una cinta que ha recibiu cuantismos premios y nominacions, en destacando ueito nominacions a los Premios Oscar en 1994 mientres a 66ena edición d'os Premios (Millor Cinta, Millor Director, Millor Actor, Millor Actriz, Millor Guión Adaptau, Millor Disenyo de Producción, Millor Disenyo de Vestuario y Millor Banda Sonora Orichinal); un Premio BAFTA a lo Millor Actor y atras cinco nominacions (Millor Cinta, Millor Director, Millor Actriz, Millor Guión Adaptau y Millor Fotografía) en 1994 mientres a 47ena edición d'os Premios BAFTA; dos Premios David de Donatello (Millor Actor Forano y Millor Actriz Forana) y una nominación a lo Premio David de Donatello a la Millor Cinta Forana en 1994 mientres a suya 39ena edición; cinco nominacions a los Premios Globos d'Oro (Millor Cinta Dramatica, Millor Actor Dramatico, Millor Actriz Dramatica, Millor Director y Millor Guión) en 1994 en a 51ena edición d'os Premios Globos d'Oro; y una nominación a lo Premio Goya a la Millor Cinta Europea en 1995 mientres a 9ena edición d'os Premios Goya.

Elenco The Remains of the Day en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1993. Cintas de 1993.

Referencias

Vinclos externos The Remains of the Day en Internet Movie Database. The Remains of the Day en l'American Film Institute Catalog de l'American Film Institute''. The Remains of the Day en Box Office Mojo.

Categoría:Cintas ambientadas en Anglaterra Categoría:Cintas ambientadas en Cornualla Categoría:Cintas ambientadas en 1935 Categoría:Cintas ambientadas en 1936 Categoría:Cintas ambientadas en 1958 Categoría:Cintas con aduya de dirección de Bernard Bellew Categoría:Cintas con aduya de dirección de Christopher Newman Categoría:Cintas con aduya de dirección de Simon Moseley Categoría:Cintas con banda sonora orichinal de Richard Robbins Categoría:Cintas con casting de Celestia Fox Categoría:Cintas con dirección artística de John Ralph Categoría:Cintas con dirección de fotografía de Tony Pierce-Roberts Categoría:Cintas con disenyo de producción de Luciana Arrighi Categoría:Cintas con disenyo de vestuario de Jenny Beavan Categoría:Cintas con disenyo de vestuario de John Bright Categoría:Cintas con efectos de Graham Povey Categoría:Cintas con escenografía d'Ian Whittaker Categoría:Cintas con guión de Harold Pinter Categoría:Cintas con guión de Ruth Prawer Jhabvala Categoría:Cintas con maquillache de Christine Beveridge Categoría:Cintas con maquillache de Norma Webb Categoría:Cintas con montache d'Andrew Marcus Categoría:Cintas con peluquería de Carol Hemming Categoría:Cintas con peluquería de Paolo Mantini Categoría:Cintas con soniu d'Aaron Anawalt Categoría:Cintas con soniu de Brian Blamey Categoría:Cintas con soniu de Colin Miller Categoría:Cintas con soniu de Colin Wood Categoría:Cintas con soniu de David Stephenson Categoría:Cintas con soniu de Derek Holding Categoría:Cintas con soniu de Dominic Lester Categoría:Cintas con soniu de Geoff R. Brown Categoría:Cintas con soniu de Robin O'Donoghue Categoría:Cintas con soniu de Russ Woolnough Categoría:Cintas de cine de drama Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por James Ivory Categoría:Cintas d'a productora Merchant Ivory Productions Categoría:Cintas en alemán Categoría:Cintas en anglés Categoría:Cintas en francés Categoría:Cintas en Panavision Categoría:Cintas en Technicolor Categoría:Cintas interpretadas por Anthony Hopkins Categoría:Cintas interpretadas por Ben Chaplin Categoría:Cintas interpretadas por Brigitte Kahn Categoría:Cintas interpretadas por Christopher Reeve Categoría:Cintas interpretadas por Emma Thompson Categoría:Cintas interpretadas por Frank Shelley Categoría:Cintas interpretadas por Hugh Grant Categoría:Cintas interpretadas por James Fox Categoría:Cintas interpretadas por Jeffry Wickham Categoría:Cintas interpretadas por John Haycraft Categoría:Cintas interpretadas por John Savident Categoría:Cintas interpretadas por Lena Headey Categoría:Cintas interpretadas por Michael Lonsdale Categoría:Cintas interpretadas por Patrick Godfrey Categoría:Cintas interpretadas por Paul Copley Categoría:Cintas interpretadas por Paula Jacobs Categoría:Cintas interpretadas por Peter Cellier Categoría:Cintas interpretadas por Peter Eyre Categoría:Cintas interpretadas por Peter Halliday Categoría:Cintas interpretadas por Peter Vaughan Categoría:Cintas interpretadas por Pip Torrens Categoría:Cintas interpretadas por Rupert Vansittart Categoría:Cintas interpretadas por Tim Pigott-Smith Categoría:Cintas interpretadas por Wolf Kahler Categoría:Cintas producidas por Ismail Merchant Categoría:Cintas producidas por John Calley Categoría:Cintas producidas por Mike Nichols Categoría:Cintas rodadas en Badminton (Gloucertershire) Categoría:Cintas rodadas en Bath Categoría:Cintas rodadas en Clevedon Categoría:Cintas rodadas en Corsham Categoría:Cintas rodadas en Dyrham Categoría:Cintas rodadas en Kenton (Devon) Categoría:Cintas rodadas en Limpley Stoke Categoría:Cintas rodadas en Norton St Philip Categoría:Cintas rodadas en Weston-super-Mare Categoría:Nominadas a lo Premio BAFTA a la Millor Cinta Categoría:Nominadas a lo Premio David de Donatello a la Millor Cinta Forana Categoría:Nominadas a lo Premio Globo d'Oro a la Millor Cinta Dramatica Categoría:Nominadas a lo Premio Goya a la Millor Cinta Europea Categoría:Nominadas a lo Premio Oscar a la Millor Cinta