Una competición ye un acto de rivalidat en o cual dos u mas partes s'esforzan per aconseguir un obchectivo común que no se puede compartir: an la ganancia d'un ye la perda de l'atro. La competencia puede surtir entre entidaz como organismos, individuos, grupos economicos y socials entre d'atros. La rivalidat puede estar per la consecución de cualsequier obchectivo exclusivo, incluyiu la reconoixencia: (per eixemplo, premios, bienes, companyers, estatus, prestichio), liderazgo, cuota de mercau, segmentos de mercau y recursos escasos u un territorio.
La competencia se da en a naturaleza, entre organismos vivos que coexisten en o mesmo ambient. Los animals y plantas compiten per lo suministro d'augua, la minchar, la reproducción y atros recursos biolochicos. Los seres humans gosan competir per la minchada y las parellas, encara que cuan estas necesidaz se satisfán a ormino surten profundas rivalidaz per la busqueda de riqueza, poder, prestichio y fama en o suyo entorno. La competencia ye un prencipio fundamental d'a economía de mercau y d'as interpresas, a ormino asociada a la competencia empresarial, ya que las interpresas compiten con a lo menos unatra per lo mesmo grupo de clients que gosa estimularse con o proposito mas amplio de conoixer y aconseguir una mayor calidat d'os servicios u d'os productos amilloraus que la interpresa pueda producir u desenvolver.
La competencia s'ha estudiau en cuantos campos, como la economía, la psicolochía, la sociolochía y l'antropolochía. Los psicologos socials, per eixemplo, estudeyan la naturaleza d'a competencia investigando l'empenta natural d'a competencia y las suyas circumstancias. Tamién estudeyan la dinamica de grupos, pa detectar como surte la competencia y cuáls son los suyos efectos. Los sociologos, estudeyan los efectos d'a competencia en o conchunto d'a sociedat y per la suya parte los antropólogos estudeyan la historia y la prehistoria d'a competencia en diversas culturas y cómo se manifestaba en diversos entornos culturals en o pasau y cómo ha evolucionau con o paso d'o tiempo.
A ormino se considera que la competencia ye l'opuesto a la cooperación, manimenos, en o mundo real, las mesclas de cooperación y competencia son muito habituals.
Se veiga tamién Competición esportiva. Competencia economica. Competencia (derecho).
Vinclos externos
Categoría:Competicions