A loncha d'Alcanyiz ye un edificio d'o gotico tardano aragonés d'o sieglo XV d'a localidat baixoaragonesa d'Alcanyiz, en a provincia de Teruel (Aragón). Chunto a la casa d'a ciudat, edificio renaixentista, forma un conchunto monumental situau en o centro historico d'a localidad, chunto a la colechiata de Santa María.
Descripción Actualment, ye considerada como bien d'intrés cultural (fue declarada molimento historico-artistico perteneixient a o Tresoro Artistico Nacional a traviés d'o decreto de 3 de chunio de 1931). Decreto de 3 de junio de 1931, declarando monumentos Históricos-Artísticos, pertenecientes al Tesoro Artístico Nacional, los que se indican. Gaceta de Madrid, 4 de chunio de 1931. Pach. 1181-1185. Num. 155. ISSN 0212-1220. En 2004 se publicó una nueva declaración d'o conchunto.
A loncha data d'o sieglo XV y consta d'un piso baixo ubierto por meyo de tres grans arcos apuntaus en o portico decoraus con arquillos menors en l'intradós, en a suya parti interna. Dos d'os arcos son engrelaus, y o piso ye cubilau con vueltas de crucería.
O piso superior, a modo de galería aragonesa d'amplos arcos de meyo punto con columna, s'adhibió en o sieglo XVI a radíz d'a construcción d'a casa d'a ciudat. Finalment, presenta como remate un rafe muit volau con lunetas y oculos d'o sieglo XVIII.
O suyo interior ha sufriu muitas remodelacions y en l'actualidat aculle as dependencias administrativas d'a empresa Fomento de Alcañiz SLU (de capital 100 % municipal) y os estudiez d'os partius politicos d'o concello alcanyizano, asinas como atras dependencias d'o Concello d'a capital baixoaragonesa.
Referencias
Categoría:Biens d'Intrés Cultural d'o Baixo Aragón Alcanyiz Categoría:Molimentos d'Alcanyiz