A bolsa de Bielsa estió la zaguera acción belica d'a Guerra Civil Espanyola en Aragón. O que dimpués sería un simbolo d'a resistencia republicana.
En o prencipio d'a guerra se formoron chicoz grupos de combatients por tot Aragón, dimpués s'unioron en centurias y mas tardi en brigatas ta rematar formando a 43ena división que yera composata por 4.500 soldaus baixo lo mando de Antonio Beltrán l'Esquinazau. Entre abril y chunio de 1938 s'enfrentoron a 43ena división y l'exercito d'os sublevatos.
A monico os nacionals fueron fendo replegar-sen en os Pireneus a las tropas republicanas. Bi heba unos 8.000 soldaus en as linias republicanas y debant d'éls teneban un exercito de 15.000 hombres que teneba o refirme d'Alemanya y d'Italia.
Asinas dende abril dica chunio de 1938 resistioron en Bielsa mientres atras poblacions como Biescas, Gabín, Chistén, Plan u Sant Chuan de Plan yeran estricallatas con l'abance y os bombardeyos d'as tropas nacionals. Gran parti d'a población civil mientres habió de marchar enta Francia.
O 16 de chunio, dimpues de 166 días de resistencia, os zaguers soldaus deixoron Parzán y os sublevatos dentroron en a villa de Bielsa.
Cronolochía 1936 18 de chulio: Prencipia la guerra 1938 Marzo As accions en o frent d'Aragón se recrudeixen y as tropas republicanas se retiran dende o Galligo enta la val d'a Cinca. O 29 de marzo a 43 división queda solata d'a resta de l'exercito republicano. Abril 2-3 de abril. Os sublevatos ocupan Graus y Benavarri. 6-14 de abril. Evacuación a Francia de 5.000 civiles. 15 de abril. Se zarra a muga de Francia y prencipia a bolsa de Bielsa. Mayo Os nacionals borbardian a esfensa republicana que aguanta sin reblar. Chunio 7-8 de chunio. Bombardeyo de Plan, Chistén y Sant Chuan por avions alemans. 11 de chunio. Os sublevatos dentran en Plan, Chistén y Sant Chuan de Plan. 12 de chunio. Replegue d'os republicanos en Bielsa. 13 de chunio. Os nacionals plegan a Tella. Os feritos son levatos enta Francia. 14 - 16 de chunio. Bombardeyo de Bielsa. Os soldaus republicanos se retiran a Francia rematando asinas a resistencia en Aragón.
Categoría:Batallas d'a Guerra Civil Espanyola en Aragón Categoría:Batallas de 1938 Categoría:Historia de Bielsa