Iste articlo ye sobre l'alquimista, matematico, cientifico y filosofo anglés Isaac Newton. Ta atros usos se veiga Newton.
Sir Isaac Newton, naixiu de Woolsthorpe (Reino d'Anglaterra, hue Reino Uniu) lo 25 d'aviento de 1642 y muerto en Berkeley (Reino de Gran Bretanya hue Reino Uniu) lo 20 de marzo de 1727, estió un alquimista, matematico, cientifico y filosofo anglés. Estió lo president d'a Royal Society mas de vinte anyadas, dende 1703 dica la suya muerte, y estió una personalidat clau ta establir cuantos abances cientificos.
Newton ye l'autor d'os Philosophiae Naturalis Principia Mathematica (1687), a on i describe a lei d'a gravedat y as tres leis d'o movimiento (leis d'a inercia), base d'a mecanica clasica. Newton estió lo primero que contrimostró que as leis naturals gubiernan os movimientos d'a Tierra y d'o cielo. Newton tamién creyó un modelo matematico ta las leis de Kepler d'o movimiento d'as planetas. Quereba tamién enamplar as suyas leis en argumentando que las orbitas no yeran nomás que elipticas sino que tamién podían estar hiperbolicas y parabolicas. Newton tamién contrimostró que a luz blanca ye composada d'una mezcla d'as atras colors. Son tamién notables os suyos argumentos a favor de que la luz ye composada por particlas. En o campo d'as Matematicas partecipó en o desenrolo d'o calculo infinitesimal y (chunto con Gottfried Leibniz) d'o calculo integral y diferencial, que fació servir ta los suyos treballos en os campos d'a Fisica y de l'Astronomía.
En a suya honor y en reconoiximiento a los suyos treballos en mecanica clasica, se nombró a lo o newton, una unidat derivada de fuerza d'o Sistema Internacional d'Unidaz (SI) y cuyo simbolo ye la letra N.
Publicacions De analysi per aequationes numero terminorum infinitas (1669, publicau en l'anyo 1711).Anders Hald 2003 – A history of probability and statistics and their applications before 1750 – 586 pages Volume 501 of Wiley series in probability and statistics.Wiley-IEEE, 2003 Consultau lo 27 de chinero de 2012. Of Natures Obvious Laws & Processes in Vegetation (sin publicar, 1671–1675). Transcrito y en linea en a Universidat d'Indiana. De motu corporum in gyrum (1684). Whiteside, D.T., ed. (1974). Mathematical Papers of Isaac Newton, 1684–1691. 6. Cambridge University Press. pp. 30–91. Philosophiæ Naturalis Principia Mathematica (1687). Scala graduum Caloris. Calorum Descriptiones & signa (1701). Published anonymously as "Scala graduum Caloris. Calorum Descriptiones & signa." in Philosophical Transactions, 1701, 824 –829; ed. Joannes Nichols, Isaaci Newtoni Opera quae exstant omnia, vol. 4 (1782), 403 –407. Mark P. Silverman, A Universe of Atoms, An Atom in the Universe, Springer, 2002, p. 49. Opticks (1704). Reports as Master of the Mint (1701–1725). Arithmetica Universalis (1707).
Publicacions postomas De mundi systemate (The System of the World) (1728). Optical Lectures (1728). The Chronology of Ancient Kingdoms Amended (1728). Observations on Daniel and The Apocalypse of St. John (1733). Method of Fluxions (1671, published 1736). An Historical Account of Two Notable Corruptions of Scripture (1754).
Se veiga tamién Newton (unidat).
Referencias
Vinclos externos
The Newton Project. Obras de Isaac Newton en o Proyecto Gutenberg.
Categoría:Alquimistas d'Anglaterra Categoría:Alumnos d'a Universidat de Cambridge Categoría:Astronomos d'Anglaterra Categoría:Filosofos d'Anglaterra Categoría:Fisicos d'Anglaterra Categoría:Matematicos d'Anglaterra Categoría:Muertos en Berkeley Categoría:Naixius en Woolsthorpe Categoría:1642 (naixencias) Categoría:1727 (muertes)