Iste articlo tracta sobre os territorios d'Euskal Herria. Ta atros emplegos se veiga País Basco (desambigación).
Euskal Herria (en basco "país de luenga basca") u o País Basco comprén os siet territorios que corresponden alto u baixo a l'aria lingüistica basca en tiempos historicos. A bandera identificativa d'o pueblo basco ye a ikurriña. Actualment, istos territorios son dividitos entre os estaus espanyol, y francés, y tienen rans d'autonomía muit diferents. Hue, no bi ha denguna entidat administrativa reconoixita que replegue a totalidat d'o País Basco. Iste ye o territorio que muitos independentistas bascos reclaman ta formar un estau propio.
O País Basco ocupa una superficie de 20.664 km²; en a parti mas occidental d'os Pireneus, en o Golfo de Bizcaya. Tien o suyo propio idioma, o basco (minoritario frent a lo francés y o castellano), y una población d'unos tres milions d'habitants, unos dos milions y meyo d'os cuals tienen a ciudadanía espanyola, y a resta la francesa. Euskal Herria sería formata por siet territorios u provincias (en basco herrialde, plural herrialdeak): Alaba, Bizcaya, Guipuzcua, Navarra, Baixa Navarra, Lapurdi, y Sola. thumb|left|200px|Mapa d'as provincias d'Euskal Herria (en catalán). A luenga basca encara i ye fablata habitualment en bellas rechions, sobretot Guipuzcua y partis de Navarra. En atras, o basco ha estau sustituyito por o castellano u francés. Hue lo día, o basco tien categoría de luenga oficial en a Comunidat Autonoma Basca y en partis d'a Comunidat Foral de Navarra, pero no tien dengún reconoiximiento oficial en as rechions baixo administración francesa.
Categoría:Cultura d'o País Basco Categoría:Cultura de Navarra Categoría:País Basco francés Categoría:Nacionalismo basco