Castellón de Val de Chasa (Castejón de Valdejasa en castellano) ye un municipio d'a provincia de Zaragoza situato en a comarca de Cinco Villas. A suya población ye de 348 habitants en una superficie de 110,1 km².
Cheografía Ye situato en o fondón d'o barranco Plano, en una zona clamata monts de Castellón, relacionata con a muela de Lo Castellar, una muela modelata en materials terciarios horizontals. Bi ha pinars de pin borde (Pinus halepensis). A zona estió estratechica en a reconquista d'a val d'Ebro.
O punto de mayor altaria ye o mont Esteban, con 747 m, que marca a muga entre Zaragoza, Taust y Castellón; ye seguito por o Guarizo, de 745 m d'altaria.
Mugas O termin municipal de Castellón de Val de Chasa muga por o norte con Exeya d'os Caballers y Erla; por l'este con Sierra de Luna y Zuera; por o sud con Zuera y Zaragoza; y por l'ueste con Taust y Exeya d'os Caballers.
Toponimia Seguntes Antonio Ubieto Arteta, en 1091 yera Castellón, dende 1280 dica 1609 Castellón de Valdejasa, y se castellaniza a Castejón de Valdejasa en 1646.
O apéndiz Val de Chasa fa referencia a que encara en o sieglo XIII yera d'a sinyoría d'os canonches de Santa Cristina de Somport, a man de Chasa.
Antonio Ubieto Arteta no prene en cuenta fuents importants, ya que en 1110 Alifonso I d'Aragón fa mención a Castellón de Baldeiassa en a carta puebla d'Exeya d'os Caballers. Por atra part a l'igual que fa en atras descripcions de toponimos d'a suya obra "Los pueblos y los despoblados" evita mencionar muitas variants foneticas mes d'alcuerdo con l'aragonés orichinal. A variant Castillón, mes común que Castellón en a toponimia altoaragonesa, tamién ye conoixita en textos medievals en latín u aragonés encara que Antonio Ubieto Arteta no la mencione:
En latín medieval tamién se podeba escribir Castris de Ualleiasa, seguntes se vei en 1091 en o fuero de Sancho Remíriz.
En o suyo termin municipal se troba l'antigo despoblato medieval de Sora.
Parla A entonación ye diferent d'a que tienen os lugars d'a comarca y d'o mesmo tipo que L'Almolda, Chiprana y Vals de Sobrarbe. O lexico replecato puede veyer-se en a pachina web d'o lugar. Conservan a palabra Varello, con significato de costera d'as muelas.Lexico replecato
Demografía
Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón - - - 7 3 4 4 4 5 4 2 Partido Popular - 7 - - 4 1 3 3 2 1 2 Chunta Aragonesista - - - - - - - - - - 1 Partido Aragonés - - 7 - - 2 - - - - - Unión de Centro Democrático 7 - - - - - - - - - - Total 7 7 7 7 7 7 7 7 7 5 5
Alcaldes Lista d'alcaldes Lechislatura Nombre Partiu politico1979–1983 Alberto Sancho Sánchez Treinta aniversario de las primeras elecciones municipales de la democracia. UCD1983–1987 1987–1991 1991–1995 Avelino Bonet Ansodí Después de 20 años me voy de alcalde de Castejón con los deberes hechos, en Ejea Digital. Partido de los Socialistas de Aragón1995–1999 Avelino Bonet Ansodí Partido de los Socialistas de Aragón1999–2003 Avelino Bonet Ansodí Partido de los Socialistas de Aragón2003–2007 Avelino Bonet Ansodí Partido de los Socialistas de Aragón2007–2011 Avelino Bonet Ansodí Partido de los Socialistas de Aragón2011–2015 Jesús Prado Arrieta Los vecinos prefieren a los veteranos para ocupar el sillón consistorial, en El Periódico de Aragón. Partido de los Socialistas de Aragón
Fiestas Sant Sabastián, 20 de chinero, probable imitación de celebrar Sabastián mártir en Chasa. Sant Chaime y Santa Ana, 25 y 26 de chulio; Virchen d'o Rosario, tercer domingo d'agosto.
Espacios naturals Figuras de protección ZEPA Monts de Zuera, Castellón de Val de Chasa y Lo Castellar.
Veyer tamién Lista de municipios de Zaragoza
Vinclos externos Pachina web municipal.
Referencias
*