O ComencheEn grafía medieval Comenge. (en gascón Comenge; en francés Comminges) ye un territorio de l'Alta Gascunya, en o sud-ueste d'a Republica francesa. Ye un d'os territorios que mugan con l'Alto Aragón.
En l'actualidat, o Comenche ye troixiato politica y administrativament entre os departamentos de Gers, l'Alta Garona y Arièja. Historicament, puet parlar-se de dos Comenches: un Comenche gascón u Alto Comenche, mes enta lo sud, entre a Bigorra y o Coserán, que tien per lugar principal Sent Bertran de Comenges; un Comenche lenguadocián, dito Baixo Comenche u Comenche chicot, en o nord-este, entre o Comenche gascón, o Coserán, o condau de Foix y l'Alto Lenguadoc.
O Comenche ye formato per paises que tienen como eixe as altas vals d'a Garona y o suyo afluent, o Pica. D'entre éls, o país de Luixón, que achunta o Comenche con a Vall de Benás per o pirinenco Portillón de Benás.
En a Novempopulania romana, provincia que ixe nombre teneba per os nueu pueblos que i viviban, o Comenche estió dito Convenae, y tenió como capital o puesto galorromano de Lugdunum Convenarum, amanato ta l'actual Sent Bertran de Comenges.
Conquiesto per os visigodos, o Comenche pasó de fer parte d'o ducau d'Aquitania a estar un condau medieval.
Den de 1498 enta la Revolución francesa, encara que os descendients d'a filla d'o zaguer conte continoron dicindo-sen contes de Comenche, o condau ya no existiba y o Comenche feba ya parte d'a Corona francesa.
Se veiga tamién Condau de Comenche. Gascunya. Novempopulania.
Notas
Vinclos externos Sitio web d'a Société des études du Comminges e d'a Revue de Comminges et des Pyrénées centrales. Vivre en Comminges - Puesto web d'información sobre Comenche.
Categoría:Gascunya Categoría:Provincias historicas de Francia Categoría:Territorios que mugan con Aragón