As parlas d'o Mezquín-Guadalop son a forma d'o catalán charratas en lugars orientals d'a comarca d'o Baixo Aragón y en Val Chunquera, (en a comarca d'o Matarranya).
Ye un catalán nordoccidental de transición enta o valenciano con caracters muito insolitos que cuasi no se troban fuera d'a redolada, u que si se troban, se troban en Ribagorza, muito luent.
A presencia de catalanoparlants en este territorio se remonta por o menos a l'anyo 1185, cuan Alifonso II donó Camarón, Mont-royo y atros lugars d'a redolada a l'arcebispe de Tarragona pa que los repoblase. Vinioron dimpués repobladors catalans, beluns d'éls de Montblanc y la redolada de Tarragona.
Os caracters d'o catalán local son producto d'a evolución en una zona que nunca no ha tenito institucions catalanas, con centros administrativos y economicos castellanoparlants. O solo contacto historico con atras zonas catalanoparlants son as relacions personals con a comarca d'o Matarranya y con a comarca de los Puertos, que son en cheneral menos importans que con Lo Mas de las Matas, Alcorisa, Calanda, Torrociella d'Alcanyiz, Castelserás u Alcanyiz. Moriella yera un centro comercial muit important dica fa un sieglo u dos.
Fonetica 250px|thumb|left|Isoglosas d'o catalán en o Matarranya y en as cuencas d'o Mezquín y Guadalop seguntes Joaquim Rafel i Fontanals (1981) Diftongación d'a /ɛ/ ubierta catalana en -ia-: piau, diau, en cuenta de peu, deu. En bels lugars a O ubierta se cierra y se confunde con a O cerrata, con o que os 7 fonemas vocalicos d'o catalán nordoccidental se reducen a 5. Bi ha lugars on as Z, Ç d'o catalán medieval evolucionan ta o mesmo fonema interdental que en castellano y aragonés. Val Chunquera seseya como en o catalán cheneral y en o catalán d'o Matarranya. A -r final se pronuncia en Auguaviva, igual que en valenciano. Dependendo d'os lugars bi ha bel aragonesismo fonetico como plantaina,Artur Quintana i Font El parlar de la Codonyera, resultats d'unes enquestes: resumen de la tesis presentada para aspirar al grado de Doctor en Filosofía y Letras. Universidad de Barcelona, 1974 y atros que podrían estar mes probablement castellanismos foneticos que aragonesismos foneticos: fongo, plorón.
Morfolochía Mantiene os 3 demostrativos d'o catalán medieval. S'emplega a preposición enta, como en aragonés, catalán ribagorzano y leridano, en cuenta de cap a como en catalán cheneral y matarranyés.
Referencias
Bibliografía Artur Quintana i Font El parlar de la Codonyera, resultats d'unes enquestes: resumen de la tesis presentada para aspirar al grado de Doctor en Filosofía y Letras. Universidad de Barcelona, 1974 .
Categoría:Catalán nortoccidental Guadalop-Mezquín