Iste articlo ye sobre lo rei Chuan I d'Aragón; ta atros usos, se veiga Chuan I.
Chuan I d'Aragón, dito también o Cazataire u l'Amador d'a chentileza (Perpinyán, 27 d'aviento de 1350 - † Foixà, 19 de mayo de 1396), estió un rei d'Aragón (1387-1396). Fillo y succesor de Pero IV y d'Alionor de Sicilia.
Se casó con Marta, filla d'o conte d'Armenyac y nieta d'o rei Chuan II de Francia, con qui tenió una filla, Chuana, que se casó con Mateu, conte de Foix. En 1380 se casó por segunda vegada con Violant de Bar, filla de Roberto, duque de Bar y de María, chermana de Carlos o Sabio, rei de Francia.
Chuan I tenió bellas diferencias con o suyo suegro, lo conte d'Armenyac. As tropas d'o conte, baixo as órdens de Bernal, chermano d'o conte d'Armenyac, invadioron l'Ampurdán y plegoron dica Chirona (1389-1390); pero as tropas de tropas de l'infant Martín, chermano y futuro succesor d'o rei, las refusoron. Tamién habió d'aturar una rebelión en Cerdenya.
O suyo reinau se caracterizó por o desorden administrativo y financiero. Creyó los Chuegos Florals de Barcelona parellans a los de Tolosa, en 1393.
Morió mientres yera de caza (1396). Como no teneba descendencia masculina, fue succediu por o suyo chermano Martín.
Vinclos externos
Árbol chenealochico
Categoría:Muertos en Foixà Categoría:Naixius de Perpinyán Categoría:Reis d'Aragón Categoría:1350 (naixencias) Categoría:1396 (muertes)