Este articlo tracta sobre Ferrera de los Navarros, municipio de lo Campo de Daroca. Pa atros usos de lo toponimo Ferrera, veyer Ferrera (desambigación).
Ferrera de los Navarros (Herrera de los Navarros en castellano) ye un municipio aragonés de la provincia de Zaragoza, situato en la comarca de lo Campo de Daroca y partiu chudicial de Zaragoza.
La suya población ye de 628 habitants (2008), en una superficie de 105,01 km², con una densidat de población de 5,98 hab/km².
Cheografía Lo lugar de Ferrera de los Navarros ye situato a lo piet de la Sierra de Ferrera, chunto a lo río de Ferrera, afluent de lo río Aguas. Se troba a 809 metros d'altaria sobre lo livel de la mar y a una distancia de 58 km de la ciudat de Zaragoza, la capital de la suya provincia, de lo suyo partiu chudicial y d'Aragón.
Comprende lo lugar de Virchen de Ferrera, los casals de Uerba y Venta de Ferrera, y la pardina de Luco de la Uerba u Luguillo.
Mugas Lo suyo termin municipal muga con Azuara, con Villar de los Navarros, con Nogueras, con Lueixma, con Vistabella, con Aladrén, con Tosos y con Aguilón.
Toponimia En textos medievals yera Ferrera, como sale en lo Fogache de 1495, encara que ya en 1373 s'emplegó cuan la "manifestación de lo morabetín" Ferrera de los Navarros. Dimpués se castellaniza ta Herrera, y prene oficialment l'apellito de los Navarros en 1920.
Bi ha bel microtoponimo con component en aragonés, destacando-ne beluns con fonetica propia de l'aragonés de la Val de l'Ebro como Farafulla, Navallo (a on bi ha un vértiz cheodesico), Parideras de Navallo Royo, Serrallo, Serrallón y Camino del Serrallón (estos zaguers con infixo -all-).
Historia Bi ha un poblato ibero-romano sobre La Plana, en la partida de Los Castellares. La primera vegata que apareixe Ferrera en la documentación cristiana ye en 1128, en una concesión d'Alifonso I. Perteneixió a la seixma de Trassierra.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Aragonés 3 Partido Popular 3 Partido de los Socialistas de Aragón 1 Total 7
Alcaldes Lista d'alcaldes Lechislatura Nombre Partiu politico1979–1983Carlos Mayor Izaguerri Independient1983–1987Carlos Mayor Izaguerri PAR1987–1991Melitón Pérez García AP1991–1995Melitón Pérez García PP1995–1999Melitón Pérez García PP1999–2003 Jesús Enrique Sola Sevilla Partido Aragonés2003–2007 Jesús Enrique Sola Sevilla Partido Aragonés2007–2011 Jesús Enrique Sola Sevilla Partido Aragonés2011–2015 Adolfo Val Rubio Partido de los Socialistas de Aragón2015–2019Enrique Felices SerranoIndependient2019–20232023–2027 Enrique Felices Serrano Consulta el listado de alcaldes que han sido proclamados en Aragón en Heraldo de Aragón PP
Puestos d'intrés Ilesia de Sant Chuan Baptista. Santuario d'a Virchen de Ferrera.
Fiestas Sant Blas, 3 de febrero. Francisco Burillo Mozota, "La procesión de San Blas en Herrera de los Navarros (Zaragoza)", pp. 189-201 en I Congreso de Aragón de Etnología y Antropología (PDF), Institución Fernando el Católico, 1981, Sant Chorche, 23 d'abril (fiestas patronals). Virchen de Ferrera, 8 de setiembre.
Referencias
Vinclos externos
Pachina web oficial municipal de Ferrera de los Navarros. Pachina web no oficial sobre Ferrera de los Navarros.
*