Iste articlo tracta sobre o chenero Corvus de muixons. Ta altros emplegos se veiga Corvus (desambigación).Corvus (d'o latín "cuervo") ye un chenero constituito d'especies de muixons de grans dimensions, plumache per un regular negro (anque con excepcions) y con brilos metalicas, y d'habitos omnivoros. Muitas d'as suyas especies son reconoixitas como carnuceras habituals, y amés, se conoix que tienen muita intelichencia, habendo estato dos d'as especies d'o chenero estudiatas en importants treballos d'etiolochía. Per eixemplo, o Corvus moneduloides ha estato estudiato en zagueras per estar a unica especie d'au conoixita que fa ferramientas ta aconseguir l'alimento.
Toz es continents (menos Sudamerica) y a-saber-las islas ocianicas tienen representants entre as 40 especies d'o chenero.
Evolutivament, se crei que es muixons d'iste chenero amaneixión en Asia central, y que dimpués s'estendilloron per es altros continents, plegando-bi per l'este a traviés de l'Atlantico ta Nortamerica d'Alaska ta Mexico, y tamién Europa, Africa y Oceanía.
As suyas midas varían entre muixons poquet mes grans que una paloma como es gais d'o Viello Mundo, ta animals como lo Cuervo d'a rechión palearctica y es grans cuervos de pico grueso d'as altiplanas etiopes.
Especies d'o chenero Corvus Corvus corax u cuervo. Corvus corone u cornella. Corvus corone cornix u cuerveta cenisosa. Corvus dauuricus. Corvus enca. Corvus frugilegus u gralla. Corvus monedula u gralla blanca. Corvus moneduloides. Corvus splendens Corvus typicus Corvus unicolor Corvus florensis Corvus kubaryi Corvus validus Corvus woodfordi Corvus meeki Corvus fuscicapillus Corvus tristis Corvus capensis Corvus brachyrhynchos Corvus caurinus Corvus minutus Corvus palmarum Corvus nasicus Corvus leucognaphalus Corvus jamaicensis Corvus imparatus Corvus sinaloae. Corvus ossifragus. Corvus hawaiiensis. Corvus cryptoleucus. Corvus cornix. Corvus macrorhynchos. Corvus macrorhynchos levaillantii. Corvus orru. Corvus bennetti. Corvus coronoides. Corvus moriorum †. Corvus antipodum †. Corvus antipodum antipodum †. Corvus antipodum pycrafti †. Corvus mellori. Corvus tasmanicus. Corvus tasmanicus boreus. Corvus torquatus. Corvus albus. Corvus edithae. Corvus ruficollis. Corvus rhipidurus. Corvus albicollis. Corvus crassirostris. Corvus corax''.
Vinclos externos
Videos de Corvus en o portal "Internet Bird Collection"
*