A milana u milano ( (L., 1758)) ye un au rapinyadera d'a familia Accipitridae, subfamilia Milvinae. Ye, a mas, por a suya mida a especie mas chicota d'ista subfamilia en Eurasia, mas que no a suya parient o esparvero negro. En Aragón tamién conoix altros nombres populars. En Espanya encara ye prou común de trobar-lo, pero en a resta d'Europa ista especie se troba en firme regresión.

As suyas midas varían d'entre os 62 y os 71 cm de lonchitut, pero como toz as especies de Milvinae ye un animal esencialment planiador que tiene unas alas luengas y estreitas, as cuals cuan se desplegan obren dica 190 cm d'amplaria.

Tiene as plumas royencas por a tripa y as partes baixas d'o cuerpo, con a cabeza mas grisenca que a resta. Dos mallas blancas concabidas en o negro de debaixo d'as alas, en chunto con a suya caracteristica coda bifurcada, la fan inconfundible cuan se la vei volar.

Nombres populars En Aragón, os terminos mas frecuents ta referir-se-ie dimanan d'o latín milānus, que coinciden con as formas equivalents en altras luengas romances: "milana" y "milano" son as prencipals. Tamién se documenta a forma milaneta, que talment fa referencia a la suya mida mas chiqueta que en altras especies semellants.

A demás, como totas as especies de Milvinae, tamién se troban formas relacionadas con o potencial arabismo lexico "alforocho", anque leixos d'estar as chenerals, no se i documentan si que en a comarca d'a Chacetania: "alforocho" en Aragüés de lo Puerto y Chaca, y con mas frequencia "alforrocho" que se documenta en Ansó, Echo, Embún, Aragüés, Xabierregai y Puent d'A Reina en a dita comarca, y en un punto nomás, que ye Santolaria de Galligo, en a vecina Plana de Uesca.

Cualques autors han dau en os suyos estudios que tamién ye frecuent o termino "abadejo" (AFI /abadexo/), como López Pardo BERNIS MADRAZO, Francisco, Diccionario de nombres vernáculos de aves; Ed. Gredos. Madrid 1995. u Adolfo Aragüés Sancho, anque enquestas posteriors (R. Vidaller) muestran como se ixa parola no se i aplicase si que en a localidat d'Uncastiello (as Cinco Villas), aplicando-se en realidat en cuasi tot Aragón tradicionalment a lo peix Gadus morhua. Sí que tiene mas repercusión en territorio aragonés a parola pareixida "abadejero" (AFI /abadexeɾo/) que se documenta en Santolaria de Galligo (Plana de Uesca), en Borrés (Alto Galligo) y en Luesia (Cinco Villas). Pareix que toz istes casos acotan a distribución d'ixes terminos en o sector occidental d'o domenio lingüistico aragonés. Atamas de tot ixo, Inacio Arizón y Francho Rodés citan, en 1996, un caso de pronunciación aragonesa d'ixe termino que por demás siempre ha estau documentable con pronunciación castellana: "abadeixero" (AFI /abadeʃeɾo/) anque no ofreixen a procedencia cheografica d'ixa forma. ARIZÓN ALLUÉ, Inacio, PLATEUW, Marteen et RODÉS ORQUÍN, Francho. Bocabulario aragonés d'abes d'Uropa; Ed. Publicacions d'o Consello d'a Fabla Aragonesa. Uesca, 1996. Un atra denominación ye pollero.

Y ya en zagueras, cal destacar que como totas as aus de presa de mida meyana, recibe tamién en muitos puestos d'Aragón o nombre inespecifico d'esparver/o, que ye mas especifico ta altras especies que se i pareixen anque no son filocheneticament relacionadas con os milanos (se veiga Buteo), asinas se troban os nombres esparvero reyal y esparvero abadeixero.

Imáchens

Se veiga tamién Au rapinyera Azor Ciquilín Esmerellón Esparvero Falcón Milvinae Milvus

Referencias

Vinclos externos

Milvus Categoría:Aus d'Aragón Categoría:Fauna de Belarrusia Categoría:Fauna de Belchica Categoría:Fauna de Dinamarca Categoría:Fauna de Grecia Categoría:Fauna de Lituania Categoría:Fauna de Luxemburgo Categoría:Fauna de Portugal Categoría:Fauna de Suecia Categoría:Fauna de Suiza Categoría:Fauna de Turquía Categoría:Fauna d'a Republica Checa Categoría:Fauna d'Albania Categoría:Fauna d'Alemanya Categoría:Fauna d'Andorra Categoría:Fauna d'Austria Categoría:Fauna d'Eslovaquia Categoría:Fauna d'Italia Categoría:Fauna d'o Reino Uniu Categoría:Fauna d'Ucraína Categoría:Fauna d'os Pireneus