Os pronombres adverbials completan a significación de una frase fendo una función intermedia entre l'adverbio y o pronombre personal.
Cualques adverbios demostrativos compartiban con o pronombre demostrativo (is, idem, ipse) a propiedat de poder estar en posición atona fonetico-sintactica.Estos adverbios ya teneban en latín puntos de contacto semantico con os pronombres personals, y en romanico se converten cuasi en pronombres personals. Son INDE, IBI y ECCE HIC.
Pronombres adverbials en l'aragonés
L'aragonés y o catalán son as solas luengas neolatinas d'a Peninsula Iberica que conservan actualment l'uso d'os pronombres adverbials.
INDE: da en aragonés en/ne. IBI: da en aragonés i/bi/ie. ECCE HIC: no evoluciona en aragonés ta garra pronombre adverbial, pero lo fa en italiano. O pronombre adverbial en/ne substituye a complementos que encomienzan por de. O pronombre adverbial i/bi/ie substituye a complementos que encomienzan por atras preposicions, en especial a, en y con.
Bibliografía Heinrich Lausberg: Lingüistica romanica. Tomo II morfología. Editorial Gredos.
*