Bacú (en azerín Bakı u Баку; en persa باکو, Badkube) ye a capital y a ciudat con mayor numero d'habitants d'Azerbaichán, con una población de 2.074.300 (2003). Ye situata en o cabo oriental d'o país, a o canto d'a mar Caspia, en a parte sud d'a peninsula d'Abşeron.
O casco historico d'a ciudat, que ye una antiga fortaleza, ye declarato Patrimonio d'a Humanidat por a UNESCO. Fa parte d'a Organización d'as Ciudaz d'o Patrimonio d'a Humanidat.
Historia As primeras citas historias de Bacú son d'o sieglo VI. Dende o sieglo XII a ciudat ganó importancia porque se convertió en a nueva capital d'o canato de Chirbán en enronar-se l'antiga capital por un tierratremo.
A prencipios d'o sieglo XIX a ciudat fue incorporata a l'Imperio Ruso. Dimpués d'a declaración de guerra de Turquía a Rusia, o 30 d'aviento de 1806, as tropas turcas ocuporon a ciudat.
Tenió una comunidat armenia relacionata con a explotación d'o petrolio ya a principios d'o sieglo XX. Esta comunidat fuyió a partir de 1989 dimpués d'uns pogroms promovitos por o mesmo gubierno d'Azerbachán.
Economía Los fundamentos d'a economía d'a ciudat se troban en o petrolio. Ya dende o sieglo VIII s'en conoixeba a presencia de petrolio en a redolada, pero dica 1872, con a Revolución industrial, no prencipio a suya explotación comercial. Asinas, a prencipios d'o sieglo XX, yera en Bacú a on se produciba a mitad d'o petrolio mundial. Por ixo a ciudat estió un obchectivo militar d'a Wehrmacht d'o Tercer Reich en a Segunda Guerra Mundial, encara que as tropas alemanas no plegoron a Bacú, y a suya amenaza desaparixió con a victoria de l'Exercito Royo en a batalla de Stalingrado en chinero de 1943.
Bibliografía Petz, Ingo: Kuckucksuhren in Baku. Reise in ein Land, das es wirklich gibt, Múnich, 2006.
Vinclos externos
Pachina web oficial municipal de Bacú. Bacú en a pachina web d'a UNESCO (Patrimonio d'a Humanidat).