thumb|450px|Diferents poligonos Un poligono (d'o griego, muitos anglos) ye una figura cheometrica plana formata por un numero finito de segmentos linials secuencials. Cada un d'istos segmentos ye un costato, y cadagún d'os puntos a on s'unen dos costatos ye un vértiz. A sobén, o termin poligono tamién s'emplega ta describir l'aria amugata aintro d'a fegura, u a unión d'a figura y l'aria.
Os poligonos con toz os suyos costatos y anglos iguals se dicen poligonos regulars.
Etimolochía A parola polígono procede d'o griego antigo πολύγωνον (polýgonon), de πολύ (polí) "muitos" y γωνία (goná) "anglo".
Elementos d'un poligono right|220px
En un poligono podemos distinguir:
Costato, L: ye cadagún d'os segmentos que forman o poligono. Vertiz, V: o punto d'unión de dos costatos consecutivos. Diagonal, D: segmento que une dos vertices no contiguos. Perímetro, P: ye a suma de toz os suyos costatos. Anglo interior y anglo exterior. En un poligono regular podemos distinguir, a mas: Centro, C: o punto equidistant de toz os vertices y costatos. Apotema, a: segmento que une o centro d'o poligono con o centro d'un costato; ye perpendicular a dito costato.
Clasificación d'os poligonos Cada poligono tien un nombre seguntes o numero de costatos, combinando un prefixo numerico derivato d'o griego con o sufixo -gono, como pentagono, dodecagono. O trianglo y o cuadrilatero son excepcions a ista regla. Ta poligonos de muitos costatos, os matematicos escriben o propio numeral, por eixemplo: 17-gono. Tamién se puet fer servir una variable, normalment n-gono, cuan s'emplega o numero de costatos en una formula.
+ Nombre d'os poligonos Nombre Costatos Trianglo 3 Cuadrilatero 4 Pentagono 5 Hexagono 6 Heptagono 7 Octagono 8 Eneagono 9 Decagono 10 Endecagono 11 Dodecagono 12 Tridecagono 13 Tetradecagono 14 Pentadecagono 15 Hexadecagono 16 Heptadecagono 17 Octadecagono 18 Eneadecagono 19 Icosagono 20 Henicosagono 21 Triacontagono 30 Tetracontagono 40 Pentacontagono 50 Hectagono 100
Os tipos de poligonos mas conoixitos son os poligonos regulars, que son plans, simples, convexos, equilateros, equianglos y con costatos rectilinios.
Poligono Simple Convexo Regular Irregular Concavo Complexo
Un poligono, por a forma d'o suyo contorno, se diz:
simple, si dos d'as suyas ariestas no consecutivas no s'intersecan (tallan), complexo, si dos d'as suyas ariestas no consecutivas s'intersecan; convexo, si en travesar-lo una recta lo talla en un maximo de dos puntos, concavo, si en travesar-lo una recta puet tallar-lo en mas de dos puntos; regular, si tien os suyos anglos y costatos iguals, irregular, si tien os suyos anglos y costatos desiguals; equilatero, o que tien toz os suyos costatos iguals, equianglo, o que tien toz os suyos anglos iguals.
Os poligonos ortogonals u isoteticos, son aquels que poseyen os mesmos elementos que conforman os polígonos simples: un conchunto de vertices y ariestas, pero con a singular caracteristica de que as suyas ariestas son paralelas a cualsiquiera d'os eixes cartesianos y .
Se vea también
Mediana (geometría) Mediatriz Paralelogramo Construcción con regle y compás Ecuacions de feguras cheometricas Trianglo
Categoría:Cheometría